(පී. සමරසිංහ)
‘‘අද ශ්රී ලංකාව ලෝකයටම මත්ද්රව්ය බෙදන ‘හබ්’ එක බවට පත්වෙලා තියෙනවා. මත්ද්රව්ය එන්නෙ සුළුවෙන් නොවෙයි නැව් පිටින්’’ යැයි හිටපු ජනාධිපති කුරුණෑගල දිස්ත්රික් පාර්ලිමේන්තු මන්ත්රී මහින්ද රාජපක්ෂ මහතා පසුගියදා බෙලිඅත්තේ ‘‘ප්රඥාසාගර’’ පිරිවෙන් විහාරස්ථානයේ පැවැති උත්සවයකදී ප්රකාශ කළේය.
අභිනවයෙන් ඉදිකරන ලද චෛත්යයේ කොත නිරාවරණය කිරීමේ උත්සවයට සහභාගි වෙමින් හිටපු ජනාධිපතිවරයා මෙසේ ද කීවේය.
‘‘අද මේ රටේ චෛත්යයක්, බුද්ධ ප්රතිමාවක් හදනකොටත් ඒවාට සිමෙන්ති ආදිය ලැබුණේ කොහොමද කියා ප්රශ්න කරන තත්ත්වයේ ආණ්ඩුවකුයි පවතින්නේ. කොයි මොහොතෙ, කවුරුන්, කුමක් සඳහා සී.අයි.ඞීයෙන් ප්රශ්න කරයි ද දන්නෙ නැහැ. දේශපාලනඥයන් මර්දනය කළ හැකියි. නමුත් ආගමත්, ධර්මයත්, පන්සලත් මර්දනය කරන්න බැහැ. එසේ කරන්නට ඉඩ දෙන්නත් බැහැ. ඈත හා මෑත අතීතයේදිත් බෞද්ධ භික්ෂූන් වහන්සේලා විශාල වශයෙන් ඝාතනය වුණා. පසුගිය දිනවල බෝගසක් කපන්න සූදානම් වුණා. එයට වැඳුම් පිදුම් කරන බෞද්ධයන් එයට විරුද්ධව නැගී සිටියා.
චෝල අධිරාජ්යවාදීන් මේ රට යටත් කර ගන්නා අවස්ථාවලදීත් මෙවන් දේ සිදුවුණා. අපේ දූ දරුවන් යහ මඟට හරවන්න ආගමික පරිසරයක් තියෙන්න ඕන. එදා මේ රටේ සිටි වැඩි පිරිසක් සතර පෝයටම සිල් ගත්තා. නිරන්තර පන්සිල් රැක්කා. වැඩිහිටි සමාජය පස්පවේ ඇලී ගැලී සිටිනවා නම් දරුවන්ට දෙන ආදර්ශය කුමක් ද?
පළිගැනීම අද පාලකයන්ගේ සෙල්ලමක් වෙලා තියෙනවා. ඒ අතරේ රටේ මත්ද්රව්ය වැඩිවෙලා. මත් අපරාධ ශීඝ්රයෙන් වර්ධනය වෙනවා.
පසුගියදා උසාවි ගෙනයන සිරකරුවන් ඇතුළු හත් දෙනකු ඝාතනය වුණා. පිටරටක නම් ඒ සම්බන්ධව වගකිව යුතු අය කටයුතු කරන්නෙ මෙහෙම නෙවෙයි’’.
රුහුණු විශ්වවිද්යාලයේ උපකුලපති දක්ෂිණ ලංකාවේ ප්රධාන සංඝනායක පල්ලත්තර සුමනජෝති, ප්රඥාසාගර විහාරාධිපති මොරයායේ කස්සප යන හිමිවරු ද, සභාව ඇමතූහ. පාර්ලිමේන්තු මන්ත්රීන් වන නාමල් රාජපක්ෂ, ඞී.වී. චානක, දකුණු පළාත් සභාවේ සභාපති සෝමවංශ කෝදාගොඩ, පළාත් සභා මන්ත්රී සිංහ සමන් කුමාර යන මහත්වරු ද මෙම අවස්ථාවට සහභාගි වී සිටියහ.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ලෝකයටම මත්ද්රව්ය බෙදන ‘හබ්‘ එක ශ්රී ලංකාවයි‘
kasun Friday, 31 March 2017 08:46 AM
ඔබතුමාගේ කාලේ හිර ගෙදර දරුණු මිනීමැරුමක් උනා. එතකොට නිතිය හරියටම ක්රියාත්මක වෙලා අපරාධ කරුවන්ට නීතියෙන් දඩුවම දුන්න හීනෙන් වගේ මට මතකයි.
A s dharsana Saturday, 01 April 2017 10:46 AM
ලංකාව අවට බොහෝ රටවල් මත්දූව්ය සම්බන්ධයේන් නිතී රිතී තදයි. මරණීය දණ්ඩනය පවා ලැබෙනවා. අද ලංකාවේ නිතීයේ දුර්වලතාවයන් නිසා මහා පරිමාණ ජාවාරකරැවන්ට ලංකාව හොද තෝතැන්නක් කරගෙන.
kalpa Monday, 03 April 2017 01:19 AM
මටනම් මතක්වෙන්නේ රජ කාලේ රජ්ජුරුවන්ට සුදුහකුරු ගෙනා මිනිහගේ කතාව