IMG-LOGO

2025 ජුලි මස 19 වන සෙනසුරාදා


පොදුජන පෙරමුණේ සැලුන් දොරත් ඇරලා


(ඡායාරූප හා සටහන-මස්කෙළිය ගාමිණි බණ්ඩාර ඉලංගන්තිලක)

ශ්‍රී ලංකා පොදුජන පෙරමුණට ඕනෑම  දේශපාලඥයෙකුට ඇතුලුවන්නත් පුලුවන්,  පිටවෙන්නත් පුලුවන් අයුරින් සැලුන් දොරක් ඇති බව නුවරඑළිය දිස්ත්‍රික් පාර්ලිමේන්තු මන්ත්‍රී සී.බී.රත්නායක මහතා පැවසීය.

මන්ත්‍රීවරයා එසේ පැවසුවේ, මාවුස්සාකැලේ සමන් දේවාලයේදී අද (19) පෙරවරුවේ  විශේෂ පූජාවක් පැවැත්වීමෙන් අනතුරුව නල්ලතන්නිය, කල්පවෘක්ෂ විහාරයේදී මාධ්‍යවේදීන් ඇසූ ප්‍රශ්න වලට පිළිතුරු දෙමිනි.

එහිදී සී.බී.රත්නායක මහතා මෙසේද කීය.

“ශ්‍රී පාදස්ථානය වන්දනා කරන්න පැමිණි අවස්ථාවේ මා කියන්න ඕන මේ රටේ ජාතික ආරක්ෂා හා මේ රටේ ජාතික ආර්ථිකය අනාගත සැලැස්මක් අනුව අපේ මාතෘ භූමියට එකතුකරන්න යන ගමනේ ඝෝඨාභය රාජපක්ෂ මැතිතුමා සෘජු නායකත්වයකින් ස්ථිර වශයෙන්ම රටේ ජනාධිපතිවරයා ලෙස පත්වෙනවා. ඒ පත්වීමත් එක්කම රටේ සශ්‍රීක භාවයක් ඇතිවෙනවා කියන එක මගේ හා අපේ විශ්වාසය.

විජේදාස රාජපක්ෂ මන්ත්‍රිවරයාගේ පැමිණිම සම්බන්ධව කියන්න තියෙන්නේ පාට, පක්ෂ වලට වඩා මම හිතන්නේ හෘද සාක්ෂියට එකඟව මගේ මාතෘ භූමිය උතුම් කියන චේතනාවත් එක්ක ආපු ගමනක්. සමහර අය එල්බගෙන ඉන්න පුලුවන් එක එක පක්ෂ ගැන. එක එක ප්‍රතිපත්ති ගැන. නමුත්  සියළු ප්‍රතිපත්ති ක්‍රියාත්මක කරන්න නම් අපට රටක් තියෙන්න ඕනෑ. ඒක හරියට තැල්ල බඳින්න බෙල්ල තියෙන්න ඕන කිව්වොත් නිවැරදියි. එහෙම නැති වුණොත් අපිට ප්‍රශ්නයක් තියෙනවා.”

“විජේදාස රාජපක්ෂ මැතිතුමා දුරදක්නා ඥාණය පිළිබඳව ගත්තාවූ තීරණයට  විශේෂයෙන්ම රටේ ජනතාව ස්තූති වන්ත වෙනවා. නිතරම සත්‍ය  කතාකරන, සත්‍ය වෙනුවෙන් පෙනී සිටින, සම්බුද්ධ ශාසනය ආරක්ෂා කරන්න නිවැරදිව පෙනි සිටිය කෙනෙක් විදිහට මම එතුමා දකිනවා. මාතෘ භූමිය ගැන හිතන බොහෝ පිරිසක් ඉදිරියේදී අප සමග එකතු වෙන්න සිටිනවා. මහින්ද රාජපක්ෂ මහතා කිව්ව වගේ මේ පක්ෂයේ එතුමාගේ  ක්‍රියා කලාපයට ඕනම කෙනෙකුට ඇතුලුවෙන්නත් පුලුවන්. ඕනම කෙනෙකුට පිටව යන්නත් පුලුවන්. එතුමා කිව්වා වගේ  සැලුන් දොරක් තියෙනවා. එන්නත් පුලුවන් යන්නත් පුලුවන්.” යැයි පැවසීය.

කල්පවෘක්ෂ විහාරාධිපති දෙහිපේ නන්ද හිමියෝ මෙහිදී සී.බි. රත්තනායක මන්ත්‍රීවරයාට ආශීර්වාද කරමින් පිරිතක් නූල් බැඳීම සිදුකළහ. මෙම අවස්ථාවට අඹගමුව ප්‍රාදේශිය සභාවේ සභාපති ජයසංඛ පෙරේරා මහතාද සහභාගි විය.



අදහස් (0)

පොදුජන පෙරමුණේ සැලුන් දොරත් ඇරලා

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site