(නිමල කොඩිතුවක්කු සහ බිමල් ශ්යාමන් ජයසිංහ)
ආර්ථිකයෙන් ආශ්චර්යයන් පාන්නට හැකි මොල හතේ චරිතයක් ඉන්නවා යැයි පුරසාරම් දෙඩූ ආණ්ඩුව අද සිදු කරමින් සිටින්නේ ඉතිහාසයේ කිසිදිනක නොවූ විරූ තරම් ජනතාව පීඩාවට පත් කරමින් සිටීම යැයි විපක්ෂ නායක සජිත් ප්රේමදාස මහතා පැවසීය.
අද වන විට ගමක් ගමක් පාසා ගෙයක් ගෙයක් පාසා නැති බැරිකමේ අදෝනාව,ආර්ථික පීඩාවේ වේදනාව නැගෙමින් පවතින බව පැවසූ විපක්ෂ නායකවරයා ජන ජීවිත නඟාසිටුවීමට ආණ්ඩුවට කිසිදු සැලසුමක් නැතැයිද පැවසීය.
විපක්ෂ නායක සජිත් ප්රේමදාස මහතා මේ බව පවසා සිටියේ කැස්බෑව නගරයේ පැවති "පාලකයින් හිතුමතේ- ජනතාව හාමතේ"මැයෙන් සංවිධානය කොට තිබූ විරෝධතාවයකට එක්වෙමිනි.
ගජමිතුරු කල්ලි වාදයත්,විශාල මාෆියාවන් රැසකුත් රටේ ක්රියාත්මක වන බව පැවසූ විපක්ෂ නායකවරයා ආණ්ඩුව දිනෙන් දින කරමින් සිටින්නේ ජනතාව පීඩාවෙන් පීඩාවට පත්කිරීම බව ද පැවසීය.
සිවිල් අයිතිවාසිකම්, ආර්ථික අයිතිවාසිකම්, දේශපාලන අයිතිවාසිකම් සංස්කෘතික අයිතිවාසිකම් ඇතුළු සමස්ත අයිතිවාසිකම් සුරක්ෂිත කිරීමේ වගකීම ආණ්ඩුවට ඇති බව පැවසූ විපක්ෂ නායකවරයා එහෙත් ඒ වෙනුවට අද සිදුව ඇත්තේ ජනතාවට අසහනයෙන්,නැති බැරි කමින් පීඩා විඳීමට යැයිද පැවසීය.
කැස්බෑව සමගි ජන බලවේගයේ ප්රධාන සංවිධායක ගයාන් ද මෙල් මහතා ඇතුළු පක්ෂ ක්රියාකාරීන් විසින් මෙම උද්ඝෝෂණය සංවිධානය කොට තිබුණි.
(ඡායාරූප බණ්ඩාරගම බිමල් ශ්යාමන් ජයසිංහ)
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
‘‘ආණ්ඩුව අද ජනතාව පීඩාවට පත් කරලා‘‘
anura Tuesday, 19 October 2021 09:16 AM
දැන් නම් කාලේ හරි රෑට රෑට ගෙවල් වලට තට්ටු කරලා බලන්න.
Chinthaka Monday, 01 November 2021 11:05 AM
ගොවි උද්ඝෝෂණ කරන තැන් හොය හොයා ගිහිල්ලා රැස්වීම් තියෙනවා ඡන්දේ ගන්න. ඔයා ආවම මේ ඔක්කොම හරියයිද.?
Royfedricks Thursday, 04 November 2021 02:36 AM
ඔය කොල කෑලි අල්ලගෙන ඉන්න එකද කරන්න හදන්නේ ඊලග ඡන්දේ එනකම්ම. තමන්ට ආණ්ඩු බලය ලැබුනොත් අපි සැම දෙනාගේම අභාග්යකට කරන වැඩපිලිවෙලක් සැලසුමක් එහෙම නැද්ද?
Saththaya Tuesday, 14 December 2021 10:14 PM
යුගයේ අවශතාවය ගුණයහපත් මහත්මා ගතිගුණ තියෙන යහපත් පුරවැසියන් පිරිසක් රට හදන්න බාර ගන්න එක. දැන් මේ හොදටෝම ඇති
යමුනා රණවීර Monday, 10 January 2022 01:06 AM
මුළු ලෝකයටම අමාරු කාලයක මේ විදියට වත් රට ගෙනියනවා සජිත් හිටිය නම්. මොනවා වෙනවද ඉන්න විදියටම ඉන්න
Bamunuarachchi Friday, 14 January 2022 05:12 PM
දැන් සජිත් ආවොත් ගෑස් මිල අඩු කරයිද? ලෝකේ සජිත්ට අඩුමිලට ගෑස් දෙනවාද? උතුරේ මිනිස්සු බොඩ් උස්සගෙන ඉන්නවා දකින්න නැහැ ඒ ඇයි.