(අංජුල මහික වීරරත්න)

අපරාධ රැල්ල මැඩලීම සඳහා රට පුරා කඩා පනින මෙහෙයුම් ක්‍රියාත්මක කරන බව මහජන ආරක්ෂක අමාත්‍ය රියර් අද්මිරාල් සරත් වීරසේකර මහතා පැවසීය.

සැඟවී සිටින අපරාධකරුවන් අත්අඩංගුවට ගැනීම සඳහා පොලිසිය, විශේෂ කාර්ය බළකාය සහ යුද හමුදාව එක්ව මෙම මෙහෙයුම් ක්‍රියාත්මක කරන බව වීරසේකර මහතා කීය.

මෙම මෙහෙයුම් අඛණ්ඩව දින ගණනාවක් දිවා කාලයේ මෙන්ම රාත්‍රියේත් ක්‍රියාත්මක කරන බවත් පොලිස් ඇස වසා සැඟව සිටින අපරාධ කරුවන්,ජාවාරම්කරුවන් සහ වරෙන්තුකරුවන් නීති රැහැනට හසුකර ගැනීම මෙි ක්‍රියාන්විතයේ ප්‍රධාන අරමුණ බවත් අමාත්‍යවරයා සඳහන් කළේය.

මෙම මෙහෙයුම් සාර්ථක කර ගැනීමට ජනතා සහය අපේක්ෂා කරන අතර ජනතාව දන්නා තොරතුරු අදාළ නිලධාරීන්ට ලබාදීමට කටයුතු කරන ලෙසත් සරත් වීරසේකර මහතා පවසයි.

මහජන ආරක්ෂක අමාත්‍යංශයේ අද(18) පැවැති රැස්වීමකදී අමාත්‍ය රියර් අද්මිරාල් සරත් වීරසේකර මහතා මෙි බව කීය.