IMG-LOGO

2025 නොවැම්බර් මස 29 වන සෙනසුරාදා


කඩා වැටුණු ආර්ථිකයට මෙවර අයවැයෙන් කිසිදු මඟ පෙන්වීමක් නැහැ

(හර්ෂණ තුෂාර සිල්වා)

කොවිඩ්-19’ කඩා වැටුණු ආර්ථිකය ගොඩනැංවීම සඳහා මෙවර අයවැයෙන් කිසිදු මඟ පෙන්වීමක් කර නැතැයි හිටපු පාර්ලිමේන්තු සුනිල් හඳුන්නෙත්ති මහතා අද (17) පැවැසීය.

බිඳ වැටුණු ආර්ථිකය තුළ කෙටිකාලීනව ජනතාවට දිය හැකි සහන මොනවාදැයි අයවැයේ සඳහන් නැති බව ද හඳුන්නෙත්ති මහතා කීය.

‘‘අයවැය කතාව 2021: විද්වත් පසුවිපරමක්’’ යන මාතෘකාව යටතේ විඩියෝ තාක්ෂණය ඔස්සේ පැවැති සංවාදයට එක්වෙමින් සුනිල් හඳුන්නෙත්ති මහතා එම කරුණු කීවේය.

වෙරිටේ රිසර්ච් ආයතනය මෙම සංවාදය සංවිධානය කර තිබිණි.
සුනිල් හඳුන්නෙත්ති මහතා ජනතා විමුක්ති පෙරමුණ නියෝජනය කරමින් පසුගිය පාර්ලිමේන්තුවේ කටයුතු කළ අතර කෝප් කමිටුවේ සභාපති ධුරය ද හෙබවීය.

රජයේ සේවකයන්ට රාජකාරි පැයගණනින් පසු වෙනත් රැකියාවල නිරත වීමට අවස්ථාව ලබාදීම තුළින් ජීවන වියදම ඉහළ ගොස් ඇති බව සහ රජයේ සේවකයන්ට ඔවුන්ට ලැබෙන වැටුපෙන් ජීවත් විය නොහැකි බව ආණ්ඩුව පිළිගෙන ඇතැයි ද හඳුන්නෙත්ති මහතා කීය.

රජයේ සේවකයන් අමතර රැකියාවල නිරත වීම ආරම්භ වුවහොත් රාජ්‍ය සේවයේ ඵලදාව සම්බන්ධයෙන් ගැටලුවක් පැන නගින බව ද හෙතෙම පැවැසීය.

දැනටත් රජයේ වෛද්‍යවරුන්, රජයේ නීතිඥවරුන් මෙන්ම නීති විරෝධී වුවත් රජයේ පාසල්වල ගුරුවරුන් ද පෞද්ගලික සේවා සපයන බවත් මෙම යෝජනාව රාජ්‍ය සේවයේ ආකෘතිය සම්පූර්ණයෙන්ම බිඳ වැටීමට හේතුවක් වනු ඇතැයි ද ඔහු කීවේය.

රජයේ සේවකයන්ට නිසි වැටුපක් ගෙවීමට නොහැකි වීම ඔවුන්ට අතිකාල දීමනා ගෙවීමට නොහැකි නිසා තමන්ට අවශ්‍ය පරිදි ආදායම් උපයාගන්නැයි ආණ්ඩුව මෙම යෝජනාවෙන් පවසා ඇතැයි ද හඳුන්නෙත්ති මහතා කීය.

මෙම අයවැය ආදායම් උපයාගැනීමේ ක්‍රමවේදයක් නොමැති වියදම් මාලාවක් පමණක් ඇති සාම්ප්‍රදායික අයවැයක් පමණක් බවත් ඔහු පැවැසීය.

මෙවර අයවැයෙන් ඉදිරිපත් කර ඇති යෝජනා කොතරම් ප්‍රායෝගික ද ඒවා කොතරම් යථාර්ථවාදී ද යන ප්‍රශ්නය පැන නගින බවත් එසේම අදාළ යෝජනා ක්‍රියාත්මක කරන ආකාරය සහ එම යාන්ත්‍රණය පිළිබඳ කිසිදු සඳහනක් අයවැයේ නැති බවත් හෙතෙම කීය. 



අදහස් (0)

කඩා වැටුණු ආර්ථිකයට මෙවර අයවැයෙන් කිසිදු මඟ පෙන්වීමක් නැහැ

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 202 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 262 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1162 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site