2025 ජුලි මස 14 වන සඳුදා
2025 ජුලි මස 14 වන සඳුදා
(සුජිත් හේවාජුලිගේ සහ අංජුල මහික වීරරත්න)
වාහනයට හෙල්මටයක් පැළඳ නැගි පුද්ගලයා තමාගේ ආරක්ෂාව සඳහා ස්වෙච්ඡාවෙන් පැමිණි පක්ෂයේ අයකු බවත් එම සිද්ධිය සම්බන්ධයෙන් පරීක්ෂණයක් පවත්වන්නේ නම් ඒ සඳහා ඔහු ඉදිරිපත් කිරීමට සූදානම් බවත් ජාතික ජන බලවේගය පක්ෂයේ පාර්ලිමේන්තු මන්ත්‍රී අනුර කුමාර දිසානායක මහතා පාර්ලිමේන්තුවේදී අද (6) පැවසීය.
දිසානායක මහතා මෙසේ පැවසුවේ එම හෙල්මට් සිද්ධිය සම්බන්ධයෙන් ආණ්ඩු පක්ෂයේ ප්‍රධාන සංවිධායක ජොන්ස්ටන් ප්‍රනාන්දු මහතා කළ චෝදනාවකට පිළිතුරු දෙමිනි.
පක්ෂයේ නායකයන්ගේ ආරක්ෂාව සඳහා සාමාජිකයන් ස්වෙච්ඡාවෙන් ඉදිරිපත්වී කටයුතු කරන බවද ඔහු කීවේය.
පාර්ලිමේන්තුව අසල උද්ඝෝෂණයේ යෙදුණු කණ්ඩායමක් ඇසූ ප්‍රශ්න වලට තමා පිළිතුරු දුන් බවත් වංචා දූෂණ කර පලා යන අයට ඉඩ නොදෙන ලෙස තමා එහිදී ඔවුන්ගෙන් ඉල්ලා සිටි බවත් අනුර දිසානායක මහතා පැවසීය.
එසේම අරගලය නතර නොකරන ලෙස ඒ පිරිසට දැනුම් දුන්නේ යැයිද ඔහු පැවසුවේය.
ලසන්ත වික්‍රමතුංග ඝාතනයට අදටත් විත්තිකරුවකු නැති බවත් එදා ආරක්ෂක ලේකම්වරයා ලෙස කටයුතු කළ වර්තමාන ජනාධිපතිවරයාගේ මනස ගැන හොඳ වැටහීමක් පවතින හෙයින් ස්වෙච්ඡාවෙන් ආරක්ෂාව සපයා ගන්නා බවත් දිසානායක මහතා කීය.
තමා ගමන් කරන විට පක්ෂයේ සහෝදරයන් ආරක්ෂාව සපයන බව පැවසූ මන්ත්‍රීවරයා පවතින තත්වය යටතේ මෝඩ කමට බෙල්ල දීමට සූදානම් නැති බවත් සඳහන් කළේය.
ඝාතනයන්ට වගකිවයුතු පුද්ගලයකු මහ පුටුවේ සිටින විට නිදැල්ලේ හැසිරිය හැකි දැයි අනුර දිසානායක මහතා ප්‍රශ්න කළේය.
"අපේ ජීවිත ලාභයට ගොදුරු කරගන්න ඉඩ දෙන්නේ නැහැ. වාහනයට නැග්ගා පුද්ගලයා පරීක්ෂණයට ඉදිරිපත් කරන්න කියනවා නම් මා එසේ කරන්නම්.අසූ තුනේ නාටක යළි යළි ගොඩ නගන්න එනවා නම් එය අසාර්ථක බව මතක තියාගන්න.
"උඩුමහලේ ජීවත්වූ ජනාධිපතිවරයාට අද බංකරයක ඉන්නට සිදු වෙලා. ජනතාවගේ බලයට පාලකයන් තුෂ්නිම්භූත වෙලා.
2025 ජුලි මස 04
406
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
978
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1356
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
‘හෙල්මට් සිද්ධිය ගැන අනුර කුමාරගෙන් ප්‍රකාශයක්‘
සෙනෙවිරත්න Wednesday, 06 April 2022 02:57 PM
හොඳ පිළිතුරක්...!
fairoos Wednesday, 06 April 2022 03:05 PM
ජයවේවා... ! ඊළඟට ජොන්ස්ටන්ගේ ගෙදර වටලමු...
Pradeep Kumara Wednesday, 06 April 2022 03:23 PM
මේ වෙලාවේ ජේ. ආර්. තියරියෙන් තමයි වැඩ කරන්න වෙන්නේ. තමන්ගේ ආරක්ෂාව තමන්ම සලසා ගැනීමෙන්. ඒකට කාටවත් මොනවත් කියන්න බෑ. දන්නවනේ මේ කට්ටියගේ වැඩ...!
Nissanka Wednesday, 06 April 2022 03:26 PM
මිරිහානේ බස්එකට ගිනිතිබ්බ කෙනා ගැන හොයපල්ලා...!
Vajira Wednesday, 06 April 2022 03:27 PM
මේක ජනතාවගේ අරගලයක්... ජවිපෙ පිට දාන්න හදන්නේ මර්ධනය කරන්නද? එහෙම කළොත් ජනතාව ජවිපයට එකතු වෙනවා...
යාපා Wednesday, 06 April 2022 03:39 PM
හරි අපි රැවටුණා. අම්මෝ හත්පොලේ ගාගත්තා නේද මහත්තයෝ...? ඔය කතා හොඳයි 3% වහල්ලුන්ට මහත්තයෝ...
සෙනෙවිරත්න Wednesday, 06 April 2022 05:18 PM
මට පේන්නෙ අනුර ගාගත්ත එක නම් වැදගත් නැහැ. රටේ නායකය ගාගනිපු ගා ගැනිල්ල නිසා රටම ගඳ ගහනව.
Saman Perera Wednesday, 06 April 2022 04:03 PM
පරාලේ නොදැක්කාට, පොල් කෙන්ද දකිනවනේ..., හෙල්මට් එකක් දාගෙන තමන්ගේ වාහනයට නැග්ගේ කවුද? හේතුව අනුර පාර්ලිමේන්තුවේදී කිව්වා...
Vira Wednesday, 06 April 2022 04:21 PM
අනේ... පිටිපස්සට නැග්ගේ මොකක් ආරක්ෂා කරන්නද? ඔක්කොම හොඳ නළුවෝ තමයි.
Jagath Wednesday, 06 April 2022 04:50 PM
අනුර කුමාර දිසානායක මේ ගැන පාර්ලිමේන්තුවේදි දුන්නා කට්ටියගේ කරටි කැඩෙන්න.මෙච්චර ප්‍රශ්න තිබියදී,ආණ්ඩුවේ දේශපාලුවෝ අනුර කුමාර දිසානායකගේ වැරදි හොයා හොයා යනවා.පේන්නෙ සියලුදෙනාම අනුර කුමාරට හොඳටම බයවෙලාවගේ.
සෙනෙවිරත්න Wednesday, 06 April 2022 05:26 PM
ඕකට හරියටම හේතුව හෙයොගත්තොත් මේ සියලුම ප්‍රශ්නවලට පිළිතුරු ලැබේවි වගේ... මොනතරම් කුහකද? 3%ක් තිබුණාට සේරම අනුරට බයයිනේ... අන්න නිරූපමා, සේනාධිපති රටින් පැන්නා. ඔවුන් ගියේ අපේ ධනය සොරකම් කරගෙන, ඒක අවුල් නැහැ නේද..?
සෙනෙවිරත්න Wednesday, 06 April 2022 05:28 PM
හෙල්මට් දාපු එකා ගැන හොයන්නේ අර කියපු ඉඩම් ඔප්පු කොමිස් ගැනත් හොයන්න කියමු නේද...?
BamunuarachchiThursday, 07 April 2022 10:13 AM
හෙල්මට් දාපු එකා ගැන හොයන්න. උන් තමයි බස් ගිනි තියන්නේ, බැංකු කඩන්නේ, ට්‍රන්ස්පොමර් ගිනි තියන්නේ.
Bamunuarachchi Thursday, 07 April 2022 10:17 AM
පෙරේදා නිට්ටඹුවේදී මගේ වාහනය නවතුවේ පන්දම් අතට ගත්ත උද්ගෝෂණය කරන හම්බයින් සෙට් එකක්.හම්බයින්ට පාරේ වාහන නවත්වන්න බලය දුන්නේ ජෙප්පො නේද? රට හමබයට යන්න දෙන්න එපා.