(යොහාන් භාසුර)
ශ්රී ලාංකිකයන්ගේ විශ්වාසය හා ආදරය දිනූ 'සන් මැච් සමාගම' නිෂ්පාදනය කරන සූර්යා සුවඳකූරු, මෙරට නිර්මාණය වූ සුවිශේෂී සිනමා සිත්තමක් වන ගුත්තිල සිනමා පටය සමග අත්වැල් බැඳ ගැනීමට තීරණය කර තිබේ.
ඓතිහාසික මහනුවර කුණ්ඩසාලේ ප්රදේශයේ පිහිටා ඇති සන් මැච් සමාගමට දශක හතරකට අධික සාඩම්බර ඉතිහාසයක් ඇති අතර එම සමාගම මේ වනවිට සුවඳ වර්ග 14 කින් යුත් සුවඳකූරු වෙළඳපොළට හඳුන්වා දී තිබේ. මෙම සුවඳකූරුවල සුගන්ධයට සිත් පහන් කිරීමේ හැකියාව ඇති අතර, මේ අපූර්ව සිනමා නිර්මාණයද එලෙසම ප්රේක්ෂකයන්ගේ සිත් පහන් කිරීමේ හැකියාව සහිත නිර්මාණයක් බව සන් මැච් සමාගම විශ්වාස කරයි.
සම්භාව්ය සිංහල සාහිත්යයේ විශිෂ්ටතම කෘතියක් වන ගුත්තිල කාව්යය පදනම් කරගත් ගුත්තිල සිනමා සිත්තම, නිර්මාණශීලීත්වය හා විශිෂ්ටත්වය කැටිකරගත් අගනා නිර්මාණයකි. “ගුත්තිල සිනමා නිර්මාණයේ විශිෂ්ටත්වයෙන් වශීකෘත වීමට බලා සිටින රසික ප්රජාව සමග අත්වැල් බැඳගැනීම එම සමාගම ආඩම්බරයක් ලෙස සලකයි.
සූර්යා සන්නාමය මෙරට සංස්කෘතිය හා ගැඹුරින් බද්ධ වෙමින්, රටේ ජනතාවගේ ජීවිත අර්ථවත් කරනු දැකීමට අවශ්ය මෙන්ම විශේෂයෙන්ම වර්තමාන යුගයක පවුල හා සම්ප්රදාය වැනි දේවල් කෙතරම් වැදගත්ද යන්න එම සමාගම හඳුනාගෙන ඇති බවද සඳහන් කරයි.
ගුත්තිල යනු අපේ රටේ දක්ෂ කලාකරුවන් සහ ඔවුන්ගේ කලා හැකියාවන් ලොවට පෙන්වන නිර්මාණයක් මෙන්ම අපගේ උරුමයේ හරය ගැඹුරින් ග්රහණය කර ඇති නිර්මාණයක් ලෙස ද” සන් මැච් සමාගමේ අධ්යක්ෂ සහ ප්රධාන අලෙවි නිලධාරී ගෞරි රාජන් මහත්මිය පැවසුවය. සූර්යා සන්නාම තානාපතිනිය වන සම්මානලාභී ප්රවීණ රංගන ශිල්පිනී යශෝධා විමලධර්ම ගුත්තිල චිත්රපටයේ ප්රධාන චරිතයකට මොන පොවන්නිය.
“මේ විශිෂ්ට චිත්රපටයට රංගනයෙන් දායක වීමට ලැබීම මා ලැබූ භාග්යයක් ලෙස මා සලකනවා. ඒ වගේම කාගේත් විශ්වාසය දිනූ සූර්යා වැනි සන්නාමයක්, සමස්ත ශ්රී ලංකා වාසීන්ගේ අවධානය දිනාගෙන තිබෙන මෙවැනි නිර්මාණයක් සමග අත්වැල් බැඳගැනීම මට මහත් සතුටක්.” යශෝධා විමලධර්ම මහත්මිය පැවසුවාය.
මහාචාර්ය අගලකඩ සිරිසුමන හිමියන් විසින් සංස්කරණය කරන ලද ගුත්තිල කාව්යය පදනම් කරගෙන නිර්මාණය වූ මෙම සිනමා නිර්මාණය සිනමාහල් වෙත පැමිණෙනුයේ වසර 12 ක ප්රමාදයකින් අනතුරුවය. හරේන් නාගොඩවිතාන සහ දිලිනි සිල්වා විසින් නිෂ්පාදනය කරන ලද එම චිත්රපටයෙහි කථාව, දෙබස්, තිර රචනය සහ අධ්යක්ෂණය සනත් අබේසේකරගෙනි. යශෝධා විමලධර්ම හැරුණු විට විශාරද එඩ්වඩ් ජයකොඩි, අකිල ධනුද්ධර, චුලක්ෂි රණතුංග, අයිරාංගනී සේරසිංහ සහ සතිස්චන්ද්ර එදිරිසිංහ ඇතුළු ප්රවීණ කලා ශිල්පීහු පිරිසක් ඊට රංගනයෙන් දායක වෙති. මෙම චිත්රපටය ඊ.ඒ.පී. මණ්ඩලයේ සිනමාහල් ඇතුළුව රට පුරා සිනමාහල්වල ප්රදර්ශනය කරයි.
“සන් මැච් යනු කවදත් සම්ප්රදාය හා සංස්කෘතිය වැනි වටිනාකම්වලට මුල්තැනක් දෙන සමාගමක්. මෙම චිත්රපටයත් සම්ප්රදාය හා සංස්කෘතිය සමග ගැඹුරින් සම්බන්ධ වූ නිර්මාණයක් ලෙස හැඳින්වීමට පුළුවන්. අපත් සමග මෙලෙස අත්වැල් බැඳගැනීම පිළිබඳව අප සන් මැච් සමාගමට ස්තූතිවන්ත වෙනවා.” ගුත්තිල චිත්රපටයේ අධ්යක්ෂ සනත් අබේසේකර මහතා පැවසීය.
ගම්පහ ,ඉහළ යාගොඩ ප්රදේශයේ විදුලි ට්රාන්ස්ෆෝමරයක් අසල වැටී සිටි නාදුනන පුද්ගලයකුගේ මළ සිරුරක් පොලීසිය සොයාගෙන ඇත.
ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්රී ලංකා තානාපති උදයංග වීරත
ආර්ථිකයේ පරිවර්තනයක් වෙනුවෙන් විධිවිධාන සැලසෙන ආර්ථික පරිවර්තන පනත් කෙටුම්පත පිළිබඳ ගැසට් නිවේදනය නිකුත් කෙරිණ.
මැතිවරණ කාල සීමාවක සිය හිතවතුන්ට මත්පැන් බලපත්ර ලබා දුන් පුද්ගලයන්ට එරෙහිව මේ වසර අවසන් වීමට පෙර දැඩි ක්රියාමාර්ග ගන්නා බව විපක්ෂ නායක සජිත් ප්රේ
ජ්යෙෂ්ඨ පුරවැසියන්ගේ ගිණුම් වල පොලී අනුපාත සම්බන්ධයෙන් විමර්ශන පැවැත්වූ කමිටුවේ වාර්තාව ලබන සතියේ ජනාධිපතිවරයාට භාර දෙන බව මුදල් රාජ්ය අමාත්ය ර
ශ්රී ලංකාව අවට මුහුදේ පරීක්ෂණ කටයුතු සඳහා ලාංකික විශේෂඥ පර්යේෂණ කණ්ඩායමක් ස්ථාපිත කරන බව ජාතික ආරක්ෂාව පිළිබඳ ජනාධිපති ජේෂ්ඨ උපදේශක සාගල රත්නායක ම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සූර්යා හඳුන්කූරු ’ගුත්තිල’ සිනමා පටය සමග අත්වැල් බැඳගනී
Shashika Tuesday, 27 June 2023 04:39 PM
හරිම ප්රශංශනීයයි