(අංජුල මහික වීරරත්න)

තල් රා අපනයනයෙන් 2023 වර්ෂයේ ඩොලර් 102,422ක මුදලක් (රුපියල් තුන් කෝටි විසි ලක්ෂයක්)ඉපැයූ බව තල් සංවර්ධන මණ්ඩලය පවසයි. 

මෙරට තල් රා සඳහා වැඩිම ඉල්ලුමක් කැනඩාව හා ප්‍රංශය යන රටවල්වලින් ලැබුන බවත් ඊට  අමතරව තවත් රටවල් ගණනාවකින් මෙරට තල් රා සඳහා ඇනවුම් ලැබී ඇතැයි තල් සංවර්ධන මණ්ඩලය කියයි.

Sri Lanka Palmyra වෙළෙද සළකුණ යටතේ අපනයනය කරන තල් රා සඳහා ඩුබායි වෙළෙඳපොළේ ද ඉහළ ඉල්ලුමක් ලැබී තිබේ.

ඊට අමතරව තල් ආශ්‍රිත වෙනත් නිෂ්පාදන අපනයනයෙන් රුපියල් එක්කෝටි 19 ලක්ෂයක ආදායමක් උපයා තිබේ.