(යොහාන් භාසුර)

ආසියානු කුසලාන නැඟීඑන කණ්ඩායම් ක්‍රිකට් තරගාවලියේ අවසන් මහ තරගයට සුදුසුකම් ලබාගැනීමට පාකිස්තානු ‘ඒ’ කණ්ඩායම අද (21) සමත් විය.

පාකිස්තානය මහ අවසන් තරගයට සුදුසුකම් ලැබීමත් සමඟ සත්කාරක ශ්‍රී ලංකා ‘ඒ’ කණ්ඩායමට තරගාවලියෙන් ඉවත්වීමට සිදුවිය.

ශ්‍රී ලංකා සහ පාකිස්තාන් ‘ඒ’ කණ්ඩායම් අතර පී. සරවනමුත්තු ක්‍රීඩාංගණයේදී අද (21) පැවැති පළමු අවසන් පූර්ව තරගයෙන් පාකිස්තානු පිල ලකුණු 60 ක ජයක් ලැබීය.

පාකිස්තානු ‘ඒ’ කණ්ඩායම ඕවර 50 යේදී සියලු දෙනා දැවී 322 (ඕමාර් යූසුෆ් 88, මොහොමඩ් හාරිස් 52, මුබාසිර් ඛාන් 42, ළහිරු සමරකෝන් 42/2, ප්‍රමෝද් මධුෂාන් 56/2, චාමික කරුණාරත්න 55/2) ශ්‍රී ලංකා ‘ඒ’ කණ්ඩායම ඕවර 45.4 කදී සියලු දෙනා දැවී 262 (අවිෂ්ක ප්‍රනාන්දු 97, සහන් ආරච්චිගේ 97, අර්ෂාඩ් ඉක්බාල් 37/5)