(කොළඹ, ජාතික රෝහලේ පුහුණු කිරීමේ හෙද නිලදාරිනී පුෂ්පා රම්යාණි සොයිසා)
රට පුරා නැවතත් ශීඝ්රයෙන් ව්යාප්තව යන කොවිඩ් ඩෙල්ටා ප්රභේදය හේතුවෙන් දිනෙන් දින වාර්තා වෙන ආසාදිතයන් සේම මරණ අනුපාතයද ඉහළ අගයක් ගෙන ඇත. කොවිඩ් ආසාදනය වී මිය යන පුද්ගලයන් අතුරින් බහුතරයක්ම අවුරුදු 60ට වැඩි වයස්ගත වූවන්ය. රෝහල් ධාරිතාව සේම මෝචරිවලද දිගු පෝළිම් පාහේ දක්නට ලැබීම කෙතරම් ඛේදනීයද? සංචරණ සීමා පනවා සෞඛ්ය මාර්ගෝපදේශනද පිළිපදින මෙන් විටින් විට දැනුම්වත් කිරීම් කෙරුණද ඒ සඳහා ජනතාවගේ ඇති අනුගත වීම කෙතරම්ද යන්න ගැටලුවකි. වසංගත තත්ත්වය මර්දනය නොවී තව තවත් තීව්ර වුණොත් , දිවයිනේ සෙසු පළාත්වලද ව්යාප්තව ගියහොත් අදට වඩා හෙට දිනයේදී අපේම ආදරණීයන් බොහොමයක් අපෙන් වෙන් වී යනු ඇත.
එබැවින් සෑම මොහොතකදීම වසංගතය උදෙසා සටන් වැදීමටත් , සෞඛ්ය පුරුදු එයාකාරයෙන්ම පිළිපැදීමටත්, අනවශ්ය ගමන් බිමන් නවතා පුරවැසි යුතුකම, වගකීම ඉටු කිරීමටත් අපි සූදානම් විය යුත්තෙමු.
එනිසාම අමතකව යන පහත පුරුදු ටික මතකයේම තබාගෙන ක්රියාවට නංවමු.
* හදවත් රෝග, දියවැඩියාව, ආඝාතය, ශ්වසන රෝග මෙන්ම පෙනහලු රෝගාබාධවලට අවදානම ඇති පුද්ගලයන් දැඩි ලෙස මේ කාලයේදී පරෙස්සම් විය යුතුයි.
* ඔබ කුමන හෝ නිදන් ගත රෝගයකින් පෙළෙයි නම් වෛද්ය ප්රතිකාර නිසියාකාරයෙන් ලබා ගන්න.
* අධික ස්ථුලතාව සේම දුම්පානය කරන පුද්ගලයන්ද කොවිඩ් වසංගතයේදී දැඩි අවදානමක ඉන්නා බව අමතක නොකරන්න.
* නිසි පරිදි ගුණවත්, පෝෂ්යදායී ආහාර රටාවකට හුරු වන්න.
* දෛනිකව අවශ්ය පමණ පිරිසුදු ජලය පානය කරන්න.
* උදාසීන ගතිවලින් බැහැරව නිරතුරු ක්රියාශීව ජීවත් වන්න.
* සුවපහසු , හොඳ නින්දක් ලබා ගන්න.
* ඔබ කෙතරම් කාර්යබහුල වුවද,ක්රියාශීලී වුවද හොඳ විවේකයකුත් ඔබට ඉතා අවැසි බව මතකයේ තබා ගන්න.
* ආතතියෙන් මිදෙන්න. හොඳ පොතක් කියවන්න. ලස්සන ගීතයකට සවන් දෙන්න.
* සරල ව්යායාමයක නිරත වීම ඔබේ දෛනික පුරුද්දක් කර ගන්න.
* මත් පැන් පානය, දුම් පානය,මත් කුඩු භාවිතයෙන් ඉවත් වන්න. මේවා ඔබේ සිරුරේ ඇති ප්රතිශක්තිය හීන කර දමයි. වසංගත කාලයකට ඔරොත්තු දිය හැකි පරිදි ප්රතිශක්තිය අවැසිම මොහොතක රෝගවලින් ආරක්ෂා වී නිරෝගීව සිටීමට නම් ඉහත ඇබ්බැහිවලින් මිදිය යුතුයි.
* සෞඛ්ය අංශ පෙන්වා දී ඇති පරිදි සියලු යහපත් සෞඛ්ය පුරුදුවලට අවනතව ක්රියාත්මක වන්න. රටක් හැදීමට මත්තෙන් අඩුම ගානේ තම තමන්වත් සුරැකිව සිටින්න.
මේ අප පසු කරන්නේ ඉතාමත් තීරණාත්මක අවදියකි. මේ මොහොතේවත් පුරවැසියන් වශයෙන් අප යුතුකම්, වගකීම් අමතක කර දමා රිසි සේ ක්රියා කළ හොත් මේ අප ගෙවන්නේ ජීවිතයේ අවසාන දින කිහිපය විය හැකියි.
-සටහන - මාධවී ධර්මරත්න
කවරක්කුලම පොලිස් ස්ථානයට අනුයුක්තව සේවය කරන අතරතුර මිහින්තලේ තම නිවෙසේ කසිප්පු නිෂ්පාදනය කළ බව කියන උප පොලිස් පරීක්ෂකවරයාගේ වැඩතහනම් කර ඇති බව අනුරා
අලි මිනිස් ගැටුම වැඩි වශයෙන් පවතින ගම්මාන හා ගොවිබිම් ආරක්ෂා කිරීම සඳහා ‘තාවකාලිකව කෘෂි විදුලි වැට’ හා ‘ගම්මාන විදුලි වැට’ ලෙස නියමු ව්යාපෘති දෙකක්
බොරැල්ල කනත්තේ තිබූ විශාල ගසක් මාර්ගයට කඩා වැටීමෙන් බොරැල්ල ප්රදේශයේ දැඩි වාහන තදබදයක් ඇති විය.
පාපතර ඥාතී පුත්රයාගේ දෑතට ගෙල සිරවීමෙන් මිය ගිය මීරිගම මාළදෙනියේ මව පියා සහ පුතාගේ දේහයන් පිළිබඳ අවසන් කටයුතු අද පස්වරුවේ මහා සංඝරත්නයේ ආගමික වතාවත
ශ්රී ලංකා නිදහස් පක්ෂයේ සභාපතිවරයා ලෙස විජයදාස රාජපක්ෂ හා වැඩ බලන මහලේකම් ලෙස කීර්ති උඩවත්ත යන මහත්වරු පත්වීම නීති විරෝධී බවට තීන්දුවක් ඉල්ලා පාර්ල
එළඹෙන වෙසක් උත්සවය වෙනුවෙන් දිවයින පුරා දන්සල් 4726ක් පැවැත්වෙන බවට තොරතුරු ලැබී ඇතැයි පොලිස් මාධ්ය ප්රකාශක නියෝජ්ය පොලිස්පති නිහාල් තල්දුව මහතා පැ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වසංගතයෙන් මිදෙන්න සරල පුරුදු කිහිපයක්