කොළඹ විශ්වවිද්යාලයේ පෝෂණවේදය පිළිබඳ මහාචාර්ය රනිල් ජයවර්ධන
වසංගත කාලයකදී වැඩි අවදානමක් ඇති තවත් කණ්ඩායමක් ලෙස නිවෙස්ගතව සිටින වැඩිහිටි පුද්ගලයන් හඳුන්වා දිය හැකිය. මෙවැනි අවදානම් දුෂ්කර පරිච්ඡේදයකදී ලෙඩ රෝග ආසාදනය වීමෙන් වැලකී සිටීමට ඔවුන්ටත් ප්රතිශක්තිකරණය අත්යවශ්යම සාධකයකි. ඒ සඳහා මොවුන්හට නිසි පෝෂණයක් අවැසිය. අදහස සරලව කිවහොත් වැඩිහිටියන්ගේ මනා පෝෂණය නිසි ප්රතිශක්තිකරණ වර්ධනයට සෘජුවේ බලපානු ලැබේ.
දරුවන් මෙන් නොව නිවසේ සිටින වැඩිහිටියන්ව අපි අතින් අතපසු විය හැකිම කාණ්ඩයකි. ලෙඩ රෝග, බේත් හේත්වලටත් වඩා ඔවුන්ගේ ආහාර වේල පෝෂ්යදායීද නැද්ද යන්න අප වෙතින් අවධානය ගිලිහී යා හැකියි. එසේම වයස්ගත වූවන්ට මෙම අවදීන් පසු කරන විට ආහාරවල අවශ්යතාවද අඩු වී යාහැකියි. මේ වනවිට බහුතරයකගේම ආහාර පුරුදු පවා වෙනස් වී තිබිය හැකියි.
ලංකාවේ වැඩිහිටි පුපුද්ගලයෝ බහුතරයක්ම මස් වර්ග සේම අලුත් කෑම වර්ග පසුපස පන්නාගෙන නොයති. ඒ වෙනුවට හරි සරල ආහාර රටාවකින් ඔවුන් පිරිමැසේ. ඒත් තරුණ පුද්ගලයකුට වඩා වැඩිහිටි පුද්ගලයකුට අවදානම වැඩි හෙයින් නිසි පෝෂණය ලද යුතුමය. මන්ද මේ අවදීන් වනවිට තමන් ගනු ලබන ආහාර ශරීරයට උරා ගැනීමේ හැකියාව පවා අඩු මට්ටමක පැවතිය හැකිය. විශේෂයෙන් විටමින් වර්ග ගතහොත් විටමින් B-12, ඇතුළු සමහර විටමින වර්ග සඳහන් කළ හැකිය.
එබැවින් වසංගත තත්ත්වයකට වයෝවෘද්ධ පුද්ගලන් ඔරොත්තු දීම සඳහා පෝෂණයෙන් සපිරි ප්රධාන ආහාර වේල් ගත යුතුයි.
ඒ ගන්නා ප්රධාන ආහාර වේල්වලට පිෂ්ඨය, එළවළු, පලතුරු, ප්රෝටීන ඇතුළත් ආහාර වර්ග එකතු විය යුතුය. මෙහිදී ප්රෝටීන යනුවෙන් අදහස් කළේ මස්, මාළු, බිත්තර යනාදියයි. ඒවා ආහාරයට නොගන්නා කෙනකු වේනම් ඒ වෙනුවට රනිල භෝග එකතු කර ගත හැකියි. රනිල භෝග යනු කඩල, පරිප්පු, මුං ඇට ආදියයි.
එවගේම ආහාර වේල් අතරමැද පලතුරු සහ කිරි ආහාර ගත යුතුයි. වැඩිහිටි පුද්ගලයන් අතර සාමාන්යයෙන් ආහාර ගැනීමේදී දැකිය හැකි පොදු ගැටලුවක් වන්නේ ආහර සැපීමේ නොහැකියාවයි. එවැනි විටෙකදී සැපීමට අපහසු ඝන ආහාර වෙනුවට පහසුවෙන් සැපිය හැකි ආහාර ගැනීම වරදක් නොවේ. තවද කෙනෙකුට සිතෙනවානම් තම වයස්ගත මවුපියන් දිනෙන් දින කෙසඟ තත්ත්වයට (කෙට්ටුවට) පත් වෙනවා නැත්නම් මන්දපෝෂණය පැත්තට හැරෙන බව දැනේ නම් ඔවුන්ගේ ආහාර වේලට යම් තරමකට තෙල් එකතු කළ හැකියි.
ඊට අමතරව වැඩිහිටි පුද්ගලයකු සඳහා කෙටිකාලීනව විටමින් වර්ගයක් ලබා දීමේ වාසිද ඇත. විටමින් Dඌනතාවක්, හිරු එළියට විවෘත වීම අඩු වීම, කැල්සියම් වැනි ඛනිජ ලවණවල අවශ්යතාව මඟ හැරී යා හැකියි.
ඉතින්, ඔබ ඔවුන්ගේ පෝෂණය ගැන වගකීමෙන් සිතනවානම් පහත කරුණු සැපිරිය යුතුවේ.
*අමතක නොකරම ඔවුන් ආහාර ලබා ගන්නවාද කියා සොයන්න.
*ඒ ආහාරවල නිසි පෝෂණ සංඝටක ඇත්දැයි විමසිලිමත් වන්න.
*කෙටි ආහාර වේල් සඳහා පලතුරු ,කිරි ගැනීමත් වැදගත් බැවින් ඒවා ලබා දීමට උනන්දු වන්න.
*සමහර විටෙක ඔවුන්ට විටමින් අතිරේකයක් ලබා ගැනීමද අවශ්ය විය හැකියි.
-සටහන- මාධවී ධර්මරත්න
සමගි ජන බලවේගයේ මුල්කිරිගල ආසන සංවිධායක නිමල් ෆ්රැන්සිස්කෝ මහතා ඊයේ (21) එක්සත් ජාතික පක්ෂයේ සාමාජිකත්වය ලබා ගත්තේය.
ශ්රී ලංකා රේගුව විසින් රාජසන්තක කෙරුණු පරිප්පු කන්ටේනර් පහක් එංගලන්තයේ පාතාල නායකයකුගේ මැදිහත්වීමෙන් පාතාල ක්රියාකාරීන් පිරිසක් වෙනත් පාර්ශවයක
ගංවතුර නිසා වසා දැමුණ පුත්තලම දිස්ත්රික්යෙ පාසල් ගංවතුර අවදානම පහව ගොස් ඇත්නම් පමණක් පවත්වන ලෙස වයඹ පළාත් ප්රධාන ලේකම් දිපිකා ගුණරත්න මහත්මිය පුත්
දිවයිනේ බොහෝ ප්රදේශවල තව දුරටත් පවතින අධික වර්ෂාව හේතුවෙන් දිස්ත්රික්ක නවයක ප්රාදේශිය ලේකම් කොට්ඨාස 50 කට නාය යෑමේ අනතුරු ඇඟවීමේ නිවේදනය අද (21) සවස ජ
අඩු ආදායම්ලාභී පවුල් 50,000කට හිමිකම් ඔප්පු ලබා දීමේ වැඩපිළිවෙල යටතේ නිවාස වල පූර්ණ අයිතිය පැවරීමේ දී මුල් ප්රතිලාභියා මරණයට පත්ව ඇත්නම් දැනට නිවසේ පදි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වසංගත කාලෙට වැඩිහිටියන්ගේ පෝෂණය ගැනත් සොයා බලන්න