(සුජිත් හේවාජුලිගේ සහ  අංජුල මහික වීරරත්න)

පාර්ලිමේන්තුවේ ඉදිරි කටයුතු තීරණය කිරීම සඳහා පාර්ලිමේන්තු කටයුතු පිළිබඳ කාරක සභාවේ විශේෂ රැස්වීමක් අනිද්දා  (24) උදේ 10:30 ට පැවැත්වේ.

සියලුම පක්ෂ නායකයන්ට මේ බව දැනුම්දී  ඇතැයි  පාර්ලිමේන්තු මහලේකම් ධම්මික දසනායක මහතා පැවසීය.

විදුලි බිල සියයට 75කින්  වැඩි කිරීමට රජය ගත් තීරණය සම්බන්ධයෙන් සභාව කල්තබන අවස්ථාවේ විවාදයක් ලබන 29 වැනිදා සඳුදා පැවැත්වීමට දැනටමත් තීරණය කර ඇත.

එම යෝජනාව ඉදිරිපත් කරනු ලබන්නේ සමගි ජන බලවේගය පක්ෂය විසිනි.

මීට අමතරව ඉදිරි මාස හතරේ වියදම් සඳහා පාර්ලිමේන්තුවට ඉදිරිපත් කරනු ලැබ ඇති අයවැය විසර්ජන පනත් කෙටුම්පත ( අතුරු අයවැය) පිළිබඳ දෙවැනි වර කියවීමේ විවාදය මේ මස 30,31, ලබන මස 1 වැනිදා සහ 2 වෙනිදා පැවැත්වෙනු ඇත.

අයවැය විසර්ජන පනත් කෙටුම්පත අගමැති දිනේෂ් ගුණවර්ධන මහතා විසින් පාර්ලිමේන්තුවට ඉකුත් 9වෙනිදා ඉදිරිපත් කරනු ලැබීය.