ශ්‍රී ලාංකීය සනීපාරක්ෂක හා ඇඟලු‍ම් නිෂ්පාදන කර්මාන්තය තුළ පාරිභෝගිකයන් අතර විශ්වසනීය වෙළෙඳ නාමයක් වන වෙලෝනා විසින්, ඔවුන්ගේ නවතම අලෙවි ශාඛාව කොළඹ 05 පිහිටි ජෝශප් ෆ්‍රේසර් අනුස්මරණ රෝහලේදී විවෘත කරන ලදී.

මෙහි ප්‍රධාන ආරාධිත අමුත්තා ලෙස Thread Works (Pvt.) Ltd.හි සභාපති, ආචාර්ය ගෙහාන් ද සොයිසා මහතා සහභාගි විය. තව ද Thread Works (Pvt.) Ltd.හි නිලධාරීන් සහ ජෝශප් ෆ්‍රේසර් අනුස්මරණ රෝහලේ සහ Melsta Healthහි ජ්‍යෙෂ්ඨ සාමාජිකයෝ ද මෙම අවස්ථාවට සහභාගි වූහ.

“ශ්‍රී ලංකාවේ විශ්වසනීයම සන්නාමයක් ලෙස අපගේ ප්‍රමුඛ අරමුණ වන්නේ මවුපියන්ට මෙන්ම ළදරුවන්ට අවශ්‍ය සුවපහසුව රැගත් නිෂ්පාදන තිළිණ කිරීමයි. සියවසකට ආසන්න කාලයක් පුරා කාන්තා හා ළමා සෞඛ්‍යය වෙනුවෙන් ඇපකැප වූ ශ්‍රී ලංකාවේ ප්‍රමුඛතම රෝහලක් වන ජෝශප් ෆ්‍රේසර් අනුස්මරණ රෝහල, අපගේ නවතම නිෂ්පාදන අලෙවි ශාඛාව විවෘත කිරීමට සුදුසුම ස්ථානයක් බව අප විශ්වාස කරනවා. කොවිඩ් වසංගත තත්ත්වයේ පැතිරීමත් සමග, අපට වැදගත් වනුයේ පාරිභෝගික ආරක්ෂාවයි. මෙම නවතම අලෙවිසල හරහා අපගේ පාරිභෝගිකයන්ට කිසිදු ගැටලු‍වකින් තොරව, ඉතාමත් කඩිනමින් තමන්ට අවශ්‍ය නිෂ්පාදන ආරක්ෂිතව මිලදී ගැනීමේ හැකියාව හිමි වෙනවා.” යනුවෙන් මෙම අවස්ථාවට සහභාගි වූ Thread Works (Pvt.) Ltd. සභාපති, ආචාර්ය ගෙහාන් ද සොයිසා මහතා පැවැසීය.

මෙම නවතම අලෙවි ශාඛාව Velona Clothing සන්නාමය යටතේ විවෘත කළ තෙවැනි අලෙවි ශාඛාව වන අතර, අනෙකුත් ශාඛා කොළඹ ලිබර්ටි ප්ලාසා වෙළෙඳ සංකීර්ණය තුළ සහ මොරටුව ප්‍රදේශයේ පිහිටා ඇත.