වල් අලි ප්‍රහාරයකින් එජාප සංවිධායක මරුට

(අමදෝරැ අමරජීව)

එක්සත් ජාතික පක්ෂයේ සේරැවිල ආසනයේ සම සංවිධායක ආර්.එම්. සාලිය රත්නායක මහතාට මොරවැව, නාමල්වත්ත පාරේ නිවස අසලදී එල්ල වූ වල් අලි ප්‍රහාරයකින් ජීවිතක්ෂයට පත් වූ බව මොරවැව පොලිසිය කියයි.

තම ගෙවත්ත අසලට පැමිණි අලියා අසල්වැසියකු සමග එළවද්දී මගට ගොස් ආපසු හැරී පිටුපසින් පැමිණි අලියා මෙම පහරදීම සිදුකළ බව මියගිය අය සමග අලි එළවීමට ගිය අසල්වැසියා සිද්ධිය සම්බන්ධයෙන් පොලිසියට ප්‍රකාශයක් කරමින් පවසා තිබේ.

බරපතල තුවාල ලැබූ සාලිය රත්නායක මහතා මහදිවුල් වැව ප්‍රාථමික රෝහලට ඇතුළත් කර මූලික ප්‍රතිකාර ලබා දී ත්‍රිකුණාමලය මහ රෝහලට ඇතුළත් කරන විට මියගොස් තිබුණි.

අදහස් (6)

වල් අලි ප්‍රහාරයකින් එජාප සංවිධායක මරුට

Buddika Thursday, 20 February 2025 05:17 PM

එජාපෙට දැන් ඉන්න මෝඩ අලි ටික කරපු විනාසය දැකල නියම අලි කුලප්පුවෙලා. මොනව උනත් මිනිස් ජීවිතයක් අපරාදේ.

: 10 11

පැරකුම් Friday, 21 February 2025 09:00 AM

මේ සා විශාල අලි ගහණයක් අපට මොකටද? පවත්නා වන ගහණයට සරිලන පරිදි වන අලි ගහණය පාලනය කිරීම බුද්ධිමත් මිනිසාගේ පරම වග කීමයි. එදාට මේ කියන අලි- මිනිස් ගැටුම නිම වනු ඇත. ප්‍රමුඛත්වය දිය යුත්තේ මිනිසාට මිස අලියාට නොවේ. කෙසේ වෙතත් අලි වැටෙන් කොමිස් ගහන නිලධිරීන් ඊට කැමති නැත. මහවැලියේ මහවන මැද පොල් වගා කිරීමට අපට හැකි වූවේ අලි කාණුවේ පිහිටෙන් බව කිව යුතුය. මාදුරුඔය පැමිණි විටක අදටත් අති සාර්ත්ථක ලෙස පවතින අපගේ පොල් වගාව නැරඹීමට එන ලෙස ආරාධනා කරමු.

: 4 3

Jayasekara Friday, 21 February 2025 09:31 AM

කවුද හිතුවේ පක්ෂ ලාංජනේම ඉන්න සතා ජිවිතේ නැති කරයි කියලා? මේවා හොඳ පාඩම්

: 1 2

වික්‍රම විදුර Friday, 21 February 2025 11:19 AM

අලින්ටත් එපා වෙලා ඇති.

: 1 2

Bunny Preena Friday, 21 February 2025 11:34 AM

තමන්ගේම පාක්ෂිකයෙක් තමාව එලවනකොට දුකට ගහපු පහරක් සැරට වැදිලා වගේයි...

: 2 1

වල් අලියා Friday, 21 February 2025 12:38 PM

ජනගහනයට සරිලන පරිදි පැරකුම් වැනි ගව ගහනය පාලනය කලොත් හොඳ නැද්ද?