(සුජිත් හේවාජුලිගේ සහ අංජුල මහික වීරරත්න)

අත්අඩංගුවට ගත් සමගි ජන බලවේග සංවිධායක සම්බන්ධයෙන් විනය පරීක්ෂණ පවත්වන බවත් ගත හැකි ලොකුම පියවර ගන්නා බවත් විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද පැවසීය.

තම පක්ෂය තුළ අපරාධකරුවන්ට වැරදිකරුවන්ට කිසිම ඉඩක් නැති බව පැවසූ විපක්ෂ නායකවරයා පරීක්ෂණයෙන් පසු නිගමනයට පැමිණෙන බවද ප්‍රකාශ කළේය.

වැරදි කරන පක්ෂ විපක්ෂ කාටත් දඬුවම් කළ යුතු බවද ප්‍රේමදාස මහතා පැවසීය.

කිසිම දවසක මත්ද්‍රව්‍ය ජාවාරම්කරුවන් අපරාධකරුවන් ආරක්ෂා නොකරන බවද විපක්ෂ නායකවරයා කීය.

ඔහු මෙසේ පැවසුවේ මත්ද්‍රව්‍ය උවදුරට එරෙහිව සටන් කිරීම පිළිබද සභාව කල්තබන අවස්ථාවේ විවාදයේදීය.