විශේෂයෙන්ම මේ කාලයේදී වැඩිපුර වයිරස් රෝගවල ව්යාප්තියේ දැඩි බවක් පෙන්නුම් කොට ඇත . ඒ අනුව මේ දිනවල බහුලව කුඩා දරුවන් අතර වයිරස් උණ රෝගී තත්ත්වයක් එනම් ඉන්ෆ්ලුවන්සා තත්ත්වයක් පැතිර යාමේ අවදානමක් මතුව ඇත. මේ තත්ත්වය පවුලේ සෙසු සාමාජිකයන් අතරද ඉතා පහසුවෙන්ම පැතිරීමට පුළුවන.
රෝග ලක්ෂණ
දිගටම පවතින තද උණ, හෙම්බිරිස්සාව, වමනය,ඇඟපත රිදීම, හුස්ම ගැනීමේ අපහසුව, හුස්ම ගැනීමේ වේගය වැඩි වීම, දරුවා ආහාර කිරි බීම ප්රතික්ෂේප කිරීම, හතිය රෝගය උත්සන්න වීම, මලානික බව, වලිප්පු තත්ත්වය, වයිරස් රෝග ද්විතීක බැක්ටීරියා ආසාදන තත්ත්වයක් දක්වාද වර්ධනය වීමට අවකාශ ඇත. ඉන්ෆ්ලුවන්සා A සහ B යන තත්ත්ව දෙක මෙරටේ වැඩිපුර වාර්තා වන අතර මෙය නිව්මෝනියාව තෙක් වර්ධනය විය හැකියි.
රෝග තහවුරුව
උණ යනු රෝග ලක්ෂණයක් බැවින් දින 03කට වඩා උණ ගතිය පවතී නම් හැකි ඉක්මනින් සම්පූර්ණ රුධිර පරීක්ෂාවකට භාජන වීම සුදුසු වේ. කොවිඩ් රෝගයද මේවනවිට මුළුමනින්ම පාහේ මර්දනය වී නොතිබීමත්, ඩෙංගු රෝගයද වරින් වර ඇති වීමේ අවදානමත් නිසා නිවැරැදිව රෝග විනිශ්චය අත්යවශ්ය වේ. ඒවගේම උණ, කැස්ස හෙම්බිරිස්සාව සමඟ ස්වසන අපහසුතා ඇත්නම් වහාම වෛද්ය උපදෙස් කරා යොමු විය යුතු වේ.
සාමාන්ය වයිරස් උණ රෝගයක් නම් දින 03කට අඩු කාලයකදී පහව යනු ඇත. නිවැරැදි රෝග විනිශ්චයෙන් පසු වයිරස් උණ, ඉන්ෆ්ලුවන්සා තත්ත්වයක් බවට තහවුරු වුවහොත් ලබා ගත හැකි එකම ඖෂධය වන්නේ පැරසිටමෝල් පමණි. එයද පැය 06න් 06ට නියමිත මාත්රාව විය යුතුය.
වයිරස් රෝගවලදී ප්රතිජීවක ඖෂධ භාවිතය අත්යවශ්යම නොවේ. ඇතමකුට ප්රතිජීවක ඖෂධ සඳහා යම් අසාත්මිකතා පැවැතිය හැකි බැවින් ප්රතිජීවක අත්යවශ්යද නැද්ද යන්න වෛද්යවරයා තීරණය කරනු ඇත.
රෝගියාගේ සුවය සඳහා
උණ රෝගියකුට මූලිකවම අවශ්ය වනුයේ හොඳ සුවපහසු විවේකයයි. මේ කාලයේදී රෝගියාගේ පෝෂණය වැදගත් නිසා ඝන ආහාර වෙනුවට දිරවීමට පහසු ආහාරයක් රෝගියාට ලබා දීමට හැකිය. විශේෂයෙන්ම මේ සමයේදී ස්වාභාවික දියර ආහාර වැඩිපුර ලබා දෙන්න. පිරිසුදු ජලය පානය කිරීමටත් ලබා දෙන්න.
අමතක නොකළ යුතු කරුණු කිහිපයක්
♦ වයිරස් උණක් යැයි සුළුවෙන් නොතකා නිසි වෛද්ය උපදෙස්වලට අනුගත වීම ප්රථම කරුණයි.
♦ වෛද්යවරයකුගේ නිර්දේශයකින් තොරව ඖෂධ වර්ග වෙනස් කිරීම, මාත්රාව වෙනස් කිරීම ඔබගේ රාජකාරිය නොවේ.
♦ පැරසිටමෝල් භාවිතයේදී උණ රෝගියා කුඩා දරුවකු නම් වයස සහ බර අනුව නිසි මාත්රාව ලබා දීමට හැකිය.
♦ උණ ගතිය වැඩි අවස්ථාවලදී මඳ උණුසුම් ජලයෙහි රෙදි කැබැල්ලක් පොඟවා දරුවාගේ නළල, කිහිලි සහ ඉකිලි තෙත මාත්තු කරන්න.
♦ වයිරස් තත්ත්ව ඉතා ඉක්මනින්ම සෙසු පාර්ශව කරාද වේගයෙන් පැතිර යන බැවින් රෝගියා නිවසෙහි නතර කර ඇඳ විවේකය ලබා දිය යුතුය.
නිසි වෙලාවෙදි වෛද්ය උපදෙස් ,මනා විවේකය ,රෝගියාට අවශ්ය පෝෂණය යන සාධකද සැපිරුනු විට රෝගියා වඩා පහසුවෙන් සහ ඉක්මනින් සුවතාවට පත්වේ.
-සටහන- මාධවී ධර්මරත්න
හිටපු රාජ්ය අමාත්ය ඩයනා ගමගේ මහත්මියට එරෙහිව එල්ල වී ඇති අපරාධමය කරුණු සම්බන්ධයෙන් විමර්ශනය කරන ලෙසත් ඇයට එරෙහිව අපරාධ නඩු විධාන සංග්රහය යටතේ ක්
මහා පරිමාණ මත්පැන් නිෂ්පාදන සමාගම්වලින් රජයට තවත් රුපියල් කෝටි 700ක පමණ සුරාබදු ආදායමක් ලැබීමට නියමිතව ඇතැයි මුදල් අමාත්යාංශ ආරංචි මාර්ග සඳහන් කර
එල්ටී.ටී.ඊ. සංවිධානය පසුගිය යුද සමයේ වළදමා අතැයි සැලකෙන රන් සහ මුදල් තොගයක් සොයා පොළොව අභ්යන්තරයේ ඇති වස්තූන් නිරීක්ෂණය කළ හැකි ස්කෑන් යන්ත්රයක් යො
තිස්වසරක් මෙරට ලෙයින් නෑවූ කුරිරු එල්ටීටීඊ ත්රස්තවාදය පරාජය කරමින් ශ්රී ලංකාව මාතාවට නිදහස ගෙන ඒම සඳහා දිවිපිදූ රණවරුවන් සැමරීමේ ‘15 වැනි ජාතික රණව
ඉරාන ජනාධිපති ඊබ්රහිම් රයිසි සහ ඉරාන විදේශ අමාත්ය හොසේන් අමීර්අබ්දුල්රහීන් ගමන් කළ හෙලිකොප්ටර් යානය අනතුරට පත් විය. යානයේ දෝෂයක් හට ගත් බැවින් එය හ
පවතින අයහපත් කාලගුණ තත්වය හමුවේ පුත්තලම දිස්ත්රික්කයෙ සියලුම පාසල් හෙට (20) දින විවෘත නොකරන බව වයඹ ආණ්ඩුකාර නසිර් අහමඩ් මහතා වයඹ අධ්යාපන බළධාරීන්ට උප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වයිරස් උණක් පැතිරෙනවා: සැලකිලිමත් වන්න