වඳුරු පැපොල වයිරස් රෝගයේ දැඩි ව්යාප්තිය හමුවේ ලෝක සෞඛ්ය සංවිධානය විසින් ගෝලීය සෞඛ්ය හදිසි තත්ත්වයක් ලෙස පසුගියදා ප්රකාශයට පත් කෙරිණි. මෙය පැපොල සහ වසූරිය රෝග නොවන අතරමැදි තත්ත්වයකි. පසුගිය 25 වැනිදා වනවිට වඳුරු පැපොල රෝගය රටවල් 75කින් වාර්තා විණි.
බෙල්ජියම, ෆින්ලන්තය, ප්රංශය, ජර්මනිය, ඊශ්රායෙලය, ඉතාලිය, නෙදර්ලන්තය, පෘතුගාලය, ඉන්දියාව, ස්පාඤ්ඤය, ස්විට්සර්ලන්තය, මහා බ්රිතාන්යය, උතුරු අයර්ලන්තය, ඕස්ට්රේලියාව, කැනඩාව,සිංගප්පූරුව, නවසීලන්තය, කටාර්, දකුණු අප්රිකාව සහ ඇමෙරිකාව ඇතුළු රටවල් 75ක මේ වනවිට ශීඝ්ර ව්යාප්තියක් පෙන්නුම් කොට ඇත.
නව වඳුරු පැපොල වසංගතය ආරම්භ වීමෙන් පසු පුද්ගල මරණ 05ක් ඇමරිකාවෙන් වාර්තා වූ අතර ඉන්දියාවෙන් එක් මරණයක් වාර්තා වේ.
කෙසේ නමුත් මේ වනවිට අපේ අසල්වැසි ඉන්දියාවේද වඳුරු පැපොල ව්යාප්තියක් සිදුවන බවට නිගමනය කළ හැකියි.
ලෝක සෞඛ්ය සංවිධානය පවසන පරිදි වඳුරු පැපොල රෝගය සඳහා ප්රති වයිරසය ලෙස වසූරිය රෝගයට ලබා දුන් ප්රතිශක්තිකරණ එන්නතම ලබා දිය හැකියි.
රෝග ලක්ෂණ ලෙස උණ තත්ත්වයට අමතරව සුදු පැහැති වතුර පිරුණු තරමක් විශාල බුබුළු දදයක් ආකාරයට සිරුරේ සැම තැනම පැතිරී යා හැකියි. ඊට අමතරව හිසරදය, ඇඟපත වේදනාව, තෙහෙට්ටුව ආදී රෝග ලක්ෂණද ඇති වේ. රෝගයේ බීජාවසන සමය දින 07ත් දින 14ත් අතර වේ.
මෙය ළමයින්ට වැළඳුණහොත් තත්ත්වය වඩා බරපතළ විය හැකියි. මේ දිනවලදී පෙර පාසල් සහ පාසල් ළමයින් අතර අත් පා මුඛ රෝගයද පැතිරී යයි. එයද වයිරස් රෝගයක් නිසා පැතිරීම දැඩිය. සුදු පැහැ වතුර පිරි බුබුළු සිරුර පුරාම හට ගැනීම රෝග දෙකේම පොදු ලක්ෂණය වේ. එබැවින් රෝග විනිශ්චය නිවැරැදි වීමද අත්යවශ්ය වේ.
ද්විතීක බැක්ටීරියා ආසාදන තත්ත්වයක්ද ඇති වුවහොත් උණ තත්ත්වය කල් අල්ලා පැවතීමට පුළුවන. සිරුරේ මතු වූ ළප කැළැල් මැකී යාමට කලක් ගතවේ. සමේ විකෘතිතා පවා ඇති කරවීමට සමත් රෝගයකි.
වඳුරු පැපොල රෝග ආසාදිතයකු මුහුණට මුහුණ ගැටීම, ආසාදිත පුද්ගලයකු වෙනත් පුද්ගලයකුගේ සමෙහි ස්පර්ශ වීම මගින් වුවද රෝගය බෝවිය හැකියි. ඒ අනුව ආසාදිතයකු හා සෘජු ශාරීරික සම්බන්ධතා පැවැත්වීම , සමලිංගික ක්රියාකාරකම් හරහාද මෙම රෝගය වෙනත් පාර්ශව අතර දැඩිව ව්යාප්ත වීමේ ප්රධාන සාධක ලෙස හඳුනා ගෙන තිබේ.
තවද ආසාදිතයකු පුද්ගලිකව පරිහරණය කළ දෑද වෙනත් පිරිස් අතර හුවමාරු පරිහරණයේදී රෝගය තවත් පුද්ගලයන් කරා ඉක්මනින් පැතිරී යාමට හැකියි. තවද වයිරස් රෝගීන් හමුවූ රටවලට සංචාරය කිරීමත් එවන් රටවල සිට වෙනත් රටවලට පැමිණෙන සංචාරක පිරිස් නිසාද රෝගය පහසුවෙන් සම්ප්රේශනය විය හැකියි. එබැවින් විදෙස්ගතව සිට මෙරටට පැමිණි කවරකුට හෝ වඳුරු පැපොල රෝගය යැයි සැක සහිත ලක්ෂණ ඇත්නම් සුදුසුකම් ලත් වෛද්යවරයකු වෙතින් හෝ ළඟම ඇති රජයේ රෝහලක් වෙත හැකි ඉක්මනින් යොමු වන්න. එවිට තමන් ආසාදිතයකුද නැද්ද යන්න පී.සී.ආර්. පරීක්ෂණයක් මගින් තහවුරු කර ගැනීමට පුළුවන.
ආසාදිත ලක්ෂණ ඇති පුද්ගලයන් සෙසු පිරිස් සමඟ එකට ගැටීමෙන් වැලකිය යුතුයි.
වඳුරු පැපොල ආසාදිතයන් මෙතෙක් අපේ රටෙන් වාර්තා නොවුණද පසුගියදා ඉන්දියාවෙන් ආසාදිතයන් කිහිප දෙනෙක්ම හඳුනා ගැණින. එය අපේ රටට ඇති අවදානම තවත් මතු කරවන්නකි. සාර්ථකව මර්දනය වෙමින් පැවැති කොවිඩ් රෝගය පවා මේ වනවිට නැවතත් නව ආසාදිතයන් විවිධ පෙදෙස්වලින් වාර්තා වීම අරඹමින් සිටී. එවැනි අවස්ථාවකදී තවත් වසංගතයක් රට තුළ ව්යාප්ත වුවහොත් රටේ පවතින වාතාවරණයත් සමග ජනතාවට, සෞඛ්ය අංශවලට ඇති අභියෝගය සුළු පටු නොවේ. එබැවින් රෝගය පැතිරීමේ අවදානම් සාධක ගැන සියලුම දෙනා සැලකිලිමත් වීම අවශ්යම මොහොතකි.
-සටහන- මාධවී ධර්මරත්න
කොමර්ෂල් බැංකුව 2024 අප්රේල් 22 වැනි සඳුදා සිට බලපැවැත්වෙන පරිදි සිය සභාපතිවරයා ලෙස ප්රමුඛතම ජාත්යන්තර ආයෝජන බැංකුකරුවකු වන ෂාර්හන් මුෂීන් මහතා සහ නි
අධ්යයන පොදු සහතික පත්ර උසස් පෙළ 2023 විභාගයේ ප්රතිඵල නිකුත් කිරීමට මේ මස අවසන් සතියේ පමණ හැකිවනු ඇතැයි විභාග දෙපාර්තමේන්තු ආරංචි මාර්ග සඳහන් කරයි.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අහංගම ගොයියපාන මුහුදු තිරයේ දියේ ගිලෙමින් සිටි යුක්රේන් ජාතික විදේශිය කාන්තාවක් බේරාගැනිම සදහා අද (01) මුහුදට පනිනු ලැබු පුද්ගලයකු දියවැලකට හසුවිමෙ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වඳුරු පැපොල ළමයින්ට ආසාදනය වුවහොත් බරපතළයි