ලෙඩ රෝග සුලබව ව්යාප්ත වී යන සමයක නිරෝගීකම පවත්වා ගැනීම සඳහා සිරුරේ ප්රතිශක්තිය නංවා ගැනීම සුදුසු වේ. ලෙඩ රෝග සෑදී ඖෂධ මත යැපෙනවාට වඩා සුදුසුම ක්රමය වන්නේද ප්රතිශක්තිකරණය නංවා ගැනීමයි.
පසුගිය වසර කිහිපයකම සිට ලෝකයම වෙළා ගනිමින් කොරොනා වසංගතය ව්යාප්තවූ සමයේද ඉන් ආරක්ෂා වීමේ එක් උපක්රමයක් ලෙස ප්රතිශක්තිකරණ පද්ධතියේ ක්රියාකාරීත්වය උපරිම මට්ටමින් පවත්වා ගැනීමේ වැදගත්කම මතුවිණි. මේ සඳහා මනා පෝෂණ තත්ත්වයක් පවත්වා ගත යුතුවේ.
සමබර ආහාර වේලක් මගින් පෝෂණ අවශ්යතා සපුරා ගතයුතු බවට බොහෝ විශේෂඥයින් අවධාරණය කරන අතරතුර, සුලබ ඌණතා පිළිබඳව සලකා බලා විටමින් හෝ ක්ෂුද්ර පෝෂක වර්ග, හානිකර නොවන ප්රමාණවලින් (පෙති/කරල්/සිරප් වර්ග වැනි ආකාරවලින්) බාහිරෙන් ලබා ගැනීම සුදුසු බවටත් ඇතැම්හු මත පළ කළහ. මෙහිදී කරළියට පැමිණි විටමින් D කතිකාවත ඒවා අතරින් වඩාත් කැපී පෙණුනු මාතෘකාවකි.
පුදුමයකට මෙන්, වසර මුළුල්ලේම හොඳින් හිරු එළිය ලැබෙන ඝර්ම කලාපීය දිවයිනක් වන අප රටේ, වයස අවුරුදු 18ට වැඩි සෑම පුද්ගලයන් පස් දෙනෙකුගෙන් ම තුන් දෙනෙකු අද වන විට විටමින් D ඌනතාවෙන් පෙළෙන බව සඳහන් වේ. එසේම අවුරුදු 10-18 වයස් සීමාවේ දරුවන් සැලකුවිට සෑම අට දෙනකුගෙන්ම එක් දරුවකුට විටමින් D ඌනතාව පවතින බව සමීක්ෂණ මගින් තහවුරු කොට ඇත.
විටමින් D වැදගත් ඇයි?
ප්රතිශක්තිය උපරිම මට්ටමෙන් පවත්වා ගැනීමට උපකාරී වේ
හොඳ විටමින් D මට්ටමක් පවත්වා ගැනීමෙන් අස්ථි ශක්තිමත් කරගැනීමට පුළුවන.
මාංශ පේශි ක්රියාකාරිත්වය වර්ධනය කරයි.
ස්වසන රෝග අවම කරගැනීමට වාගේම මොළයේ ක්රියායාකාරීත්වය සහ මානසික මට්ටම යහපත්ව පවත්වාගැනීමට උපකාරී වේ.
සමස්ත ශරීරයම ශක්තිමත්ව පවත්වාගනිමින් ක්රියාශීලීව කටයුතු කිරීමමේ හැකියාව ලැබේ.
ආහාරවලින් විටමින් D ලබා ගත නොහැකිද?
ආහාරවලින් විටමින් D ලබාගැනීමේදී සිදුවන ප්රධානතම බාධකය වන්නේ අවශ්ය තරම් විටමින් D ප්රමාණයක් එදිනෙදා අප ගන්නා අහාර වේවල අඩංගු නොවීමයි.
විටමින් D සුලබ ආහාර
තෙල් සහිත මසුන් සහ මත්ස්ය අක්මා තෙල් (Cod liver oil) එවැනි විටමින් D සුලබ ආහාර වර්ග දෙකකි. මෙයට අමතරව බිත්තර කහමදය යම් තරමකට විටමින් D අඩංගු ආහාරයක් ලෙසට පිළිගැනේ. කලින් සඳහන් කළ පරිදි, බාහිරින් එකතු කර නැති අවස්ථාවල, අනෙකුත් නිතර ගැණෙන ආහාෙවල මෙය අඩංගු වන්නේ ඉතාම සුළු වශයෙනි.
ආහාර හැරුණු කොට විටමින් D ලබා ගත හැකි ක්රමයක්
හිරු එළියට සම නිරාවරණය වන අවස්ථාවල විටමින් D නිපදවීමට අපේ සිරුරට ඇති අසිරිමත් හැකියාව අද බොහෝ දෙනාට අමතක වී ඇති සෙයකි.
කොවිඩ්-19 ගෝලීය වසංගතයක් සමග හිරු එළියට නිරාවරණය වන, බාහිර පරිසරයට නොයා නිවසේම රැඳී සිටීම නිසා මෙම තත්ත්වය මේ වන විට තවදුරටත් උග්ර වූවා විය හැකියි.
අපි ප්රායෝගික වෙමු
විටමින් D ඌනතාවෙන් මිදීමට ඔබ, එදිනෙදා උදෑසන 10 ත් සවස 3 අතර විනාඩි 15 - 30 අතර කාලයක් හිරු එළියට නිරාවරණය වීම කළයුතු වේ. ශරීරයට අවශ්ය විටමින් D ප්රමාණය නිපදවා ගැනීමට නම් මේ ක්රියාවලිය දිනපතා සිදු කළ යුතු යි.
යම්කිසි සමේ රෝග තත්ත්වයක් නිසා ඔබට හිරු එළියට නිරාවරණය නොවන ලෙස වෛද්ය උපදෙස් ලැබී ඇති මින් වැළකී සිටිය යුතුයි. ඒ වගේම යම් රෝගයක් සඳහා දිගු කාලීනව ඖෂධ ලබාගන්නා කෙනෙක් නම්, හිරු එළියට නිරාවරණය වීමේ ගැටලුවක් තිබේ දැයි ඔබේ වෛද්යවරයාගෙන් කල් ඇතිව විමසා දැනගැනීමත් වැදගත්ය. යම් හෙයකින්, හිරු එළියට නිරාවරණය වීමේ දී සමෙහි අපහසුතා ඇති වේ නම් හිරු එළියට නිරාවරණය වහාම නවතා වෛද්ය උපදෙස් ලබා ගැනීමත් වැදගත් බව මතක තබා ගන්න.
(සෞඛ්ය ප්රවර්ධන කාර්යාංශයේ තොරතුරු ඇසුරිණි)
-සටහන- මාධවී ධර්මරත්න
ඩුබායි රාජ්යයට පලාගොස් සැඟව සිට මෙරට මහා පරිමාණ මත්ද්රව්ය ජාලය මෙහෙයවන ශිරාන් භාෂික් නැමත්තාගේ ප්රධාන ගෝලයෙකු හා කාන්තාවක රුපියල් කෝට් පහළොවකට
දකුණු පළාත් ආණ්ඩුකාරවරයා ලෙස ලක්ෂ්මන් යාපා අබේවර්ධන මහතා මීට සුළු මොහොතකට පෙර ජනාධිපති රනිල් වික්රමසිංහ මහතා ඉදිරියේ දිවුරුම් දුන්නේය.
කම්කරුවන් සඳහා අනාගතයක් සදා දුන් එකම පක්ෂය එක්සත් ජාතික පක්ෂය යැයි එජාප නියෝජ්ය නායක ජනාධිපති ජ්යෙෂ්ඨ උපදේශක රුවන් විජයවර්ධන මහතා පැවසීය.
කල්පිටිය කන්දකුඩාව ගම්මානයේ ,මාස දෙක හමාරක් වයසැති බිලිඳියකගේ සිරුර එම නිවසේ ළිඳේ පාවෙමින් තිබියදී සොයාගත් බව කල්පිටිය පොලිසිය පවසයි.
කොළඹ බදුල්ල ප්රධාන මාර්ගයට හපුතලේ බෙරගල අතරදී අද(01) දින දෙවන වරටත් ගල් පර්වත කිහිපයක් පෙරළී මාර්ගයේ එක් මංතීරුවක් අවහිර වී ඇති බව බදුල්ල ආපදා කළමනාකර
බස්නාහිර, සබරගමුව, මධ්යම සහ වයඹ පළාත්වලත් ගාල්ල, මාතර සහ මන්නාරම දිස්ත්රික්කවලත් ප.ව. 2.00 න් පමණ පසු ස්ථාන ස්වල්පයක වැසි හෝ ගිගුරුම් සහිත වැසි ඇති වන බන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විටමින් D ඌනතාවෙන් වැලකීමේ පහසුම මඟ