රුසියාව බැලස්ටික් මිසයිල සහ ඩ්‍රෝන යානා යොදා ගනිමින් යුක්රේනයට දැවැන්ත ප්‍රහාරයක් එල්ල කර තිබේ. එම ප්‍රහාරය රුසියාව විසින් මේ වසරේදී යුක්රේනයට එල්ල කළ මාරාන්තිකම ප්‍රහාරයක් වන අතර එයින් පුද්ගලයින් 14 දෙනෙකු මිය ගොස් තිබේ. පුද්ගලයන් 22 දෙනෙකු තුවාල ලබා ඇත.

බැලස්ටික් මිසයිල එල්ලවන අතර ගුවන් ප්‍රහාර අනතුරු ඇඟවීම් පැයකට වැඩි කාලයක් ක්‍රියාත්මක විය. කියෙව්හි හමුදා පරිපාලනය පැවසුවේ ප්‍රහාරයෙන් නේවාසික ගොඩනැගිලි සහ ගබඩාවලට හානි සිදු වූ බවයි.

කියෙව් නගරාධිපති විටාලි ක්ලිට්ෂ්කෝ පැවසුවේ නගර මධ්‍යයේ ප්‍රහාරවලින් පසු මිනිසුන් සුන්බුන් යට සිරවී සිටිය හැකි බවට බියක් පවතින බවයි. තුවාල ලැබූවන්ගෙන් හතර දෙනෙකු බරපතල තත්ත්වයේ පසුවන බව ඔහු ටෙලිග්‍රෑම් හි සඳහන් කළේය.