යෝගට් එකටත් ඩොලරය හරස් වෙයි

(යොහාන් භාසුර)

ආනයනික අමුද්‍රව්‍ය මිල ඉහළ යෑම නිසා ඉදිරියේදී යෝගට් එකක මිල රුපියල් 55 ක් හෝ 60 ක් දක්වා ඉහළ දැමීමට සිදුවනු ඇතැයි ශ්‍රී ලංකා කිරි ආහාර නිෂ්පාදන සංගමයේ උප සභාපති මංජුල නිශාන්ත මහතා පැවසීය.

ඩොලර් හිඟ නිසා අමුද්‍රව්‍ය මිල දිනෙන් දින ඉහළ යෑම නිසා 2020 වසරේ රුපියල් 30 ක්ව තිබූ යෝගට් එකක් මේ වන විට රුපියල් 50 ක් දක්වා ඉහළ දමා තිබුණ ද නිෂ්පාදකයාට ලාභයක් නොමැති බව කී මංජුල නිශාන්ත මහතා යෝගට් කර්මාන්තයට කිරි අඩුවීම සහ අමුද්‍රව්‍ය මිල අධික වීම දැඩි බලපෑමක් කර ඇති බව ද සඳහන් කළේය.

එම ගැටලුවට රජය මැදිහත් වී විසඳුමක් ලබාදිය යුතු බවත් ඒ මහතා වැඩි දුරටත් කීය.

අදහස් (10)

යෝගට් එකටත් ඩොලරය හරස් වෙයි

Soma dubayi Sunday, 06 February 2022 10:45 AM

බොරු කියන්න එපා මහත්තයෝ.. යෝගට් එකක් හදන්න රුපියල් 10ක් වත් යන්නේ නෑ...

: 2 23

Wasantha Sunday, 06 February 2022 10:47 AM

අනේ මහත්තයෝ.. යෝගට් හැම වර්ගයක්ම ලක්ෂ ගණන් වියදම් කරලා ප්‍රචාරණය කරලයි කියන්නේ.. ලංකාවේ දෙනුන්ගෙන් දොවාගත් නැවුම් කිරිවලින් හදලා තියෙනවා කියලා.. යෝගට් හදන්න ගන්න මොන අමුද්‍රව්‍යයද පිටරටින් ගෙන්නේ කියලා කිව්වා නම් ඉවරයිනේ.. පිටිකිරි වලින් යෝගට් හදනවා කියන එක හංගන්න හැදුවාට වැඩක් නෑ.. ඊට අමතරව ඇසුරුම් ද්‍රව්‍යවල හිඟයක් විතරයි මේ වෙද්දි තියෙන්නේ... ඔය කියන තරම් ලාභ නැත්නම් අහවල් එකටද ව්‍යාපාරයක් කරන්නේ කියලා තමයි අපිට අහන්න තියෙන්නේ?

: 1 30

fairoos Sunday, 06 February 2022 01:26 PM

මේ ආණ්ඩුව රට බංකොළොත් කරලා ඉවරයි. යෝගට් නෙමෙයි, මොනදේ කරලත් වැඩක් නෑ....

: 8 15

මුදියන්සේ... Sunday, 06 February 2022 01:35 PM

මිල්කෝ සමාගම පවා යෝගට් අලෙවියෙන් අධික ලාභයක් ලබාගන්නා ආකාරයක් පෙනෙන්නට ඇති අතර වෙළඳුන්ටද අධික ලාභයක් ලබාදීමට පියවර ගෙන ඇත. යෝගට් එකකින් වෙළෙන්දාට රුපියල් 5 ක ලාභයක් මදිද? යෝගට් නිෂ්පාදනය කිරීමෙන් අධික ලාභයක් ලබාගැනීම පිණිස මිල්කෝ හිටපු සභාපතිවරයා විසින් කිරිපිටි නිෂ්පාදනය වෙනුවට යෝගට් සහ බටර් නිෂ්පාදනය කළ බවට එහි වෘත්තීය සමිති චෝදනා එල්ල කර තිබිණි. පාරිභෝගික සේවා අධිකාරිය මෙවන් තත්ත්වයන් සම්බන්ධයෙන් සොයා බැලිය යුතු නොවේද?

: 1 18

Sk Sunday, 06 February 2022 04:04 PM

යෝගට් කන්න තියා අපිට බත් කන්නත් බැරිවයි ඉන්නේ...

: 2 8

චන්දන Sunday, 06 February 2022 06:19 PM

සම්පූර්ණ බොරුවක්... යෝගට් සෑදීමට රු.200ට කිරිගත්තත් උපරිම 10-12කට වැඩිය වියදමක් නැහැ. ඩොලර් ප්‍රශ්නය එන්න කලින්ම 50 කළා. ඒත් කඩවලින් ඒවා 35ට දෙනවා. රුපියල් 50 මිල නියම කරපුවා 35ට දෙන ක්‍රමය අපි දන්නවා. ඒ තරම් ලාභයක් යෝගට් වලින් තිබෙනවා. මිල්කෝ ලාභ ගත්තේ එහෙමයි...

: 0 9

D Perera Sunday, 06 February 2022 07:05 PM

මෙලෙස පිටරටවල්‍ මත යැපෙමින්‍ සාදන භාණ්‍ඩ පාවිච්‍චිය නවත්‍තන කාලය පැමිණ ඇත. එවිට නිකම්‍ම මිල පහත වැටෙනු ඇත. රටද හැදෙනු ඇත...

: 0 10

uk ran Sunday, 06 February 2022 07:13 PM

අන්තවාදී ව්‍යාපාරිකයෝ... මේ අයගේ පවුල්පිටින් ඵලදෙනවා මේ කරන දේවල් වලට... අහිංසක දුප්පතාට මේ අය කෙණෙහිලිකම් කරනවා. පාඩු නම් නවත්තන්න මිනිස්සුන්ට බොරු කියන්නේ නැතිව...

: 0 7

Bamunuarachchi Monday, 07 February 2022 08:43 AM

යෝගට් මොකටද කඩෙන් ගන්නේ ගෙදර හදා ගන්නකො.

: 0 0

sharm warn Monday, 07 February 2022 10:50 AM

මෙහෙමත් පව්කාර මිනිස්සු ඉන්න රටක්... යෝගට්වලට අමතරින් එකතු කරන්නේ ජෙලටින් සහ කල්තබාගන්න යොදන දේවල්... නමුත් ඒවත් ගොඩක් සුළුවෙන් යොදන්නේ.. ඒ නිසා තමයි කල්ඉකුත්වන දිනය ඉතාම ආසන්න දිනයක් කරන්නේ.. යෝගට් ගොඩක් වෙලාවට දරුවන්ටත්, ලෙඩ්ඩුන්ටත්, වැඩිහිටි අයටත් දෙන ආහාරයක්... ඇයි මෙහෙම පව් කරන්නේ..?

: 0 3