දැනට රටේ පවතින අර්බුදකාරී තත්ත්වය නිසා අත්යවශ්ය භාණ්ඩ මෙන්ම ඖෂධවලද දැඩි හිඟතාවක් ඇති බවට මේ වනවිට සියලුම දෙනා දැනුම්වත්ව ඇති බව දනිමු. මෙවන් අභියෝගාත්මක අවස්ථාවක වළක්වාගත හැකි සෞඛ්ය ගැටලු හැකි උපරිමයෙන් දුරු කර ගැනීමද කාලය අනුව යෝචිත උපක්රමයකි.
ඒ අනුව මේ මොහොතේ බොහෝ දෙනා අතර කතාබහට ලක් වී තිබෙන ජලභීතිකා රෝග අවදානම අවම කරගැනීමට අපට ගත හැකි වැදගත්ම ක්රියාමාර්ගයක් ගැන අපි අද කතා කරමු.
ජලභීතිකාව වැළඳෙන්නේ , රේබීස් නම් වයිරසය ආසාදිත බල්ලන්, බළලුන්, ලේනුන්, වඳුරන් සහ වවුලන් වැනි ක්ෂීරපායී සතුන් විසින් පුද්ගලයන්ව සපා කෑමෙනි. එලෙස ශරීරයට ඇතුළු වූ වයිරසය රෝගියාට ලබාදෙන එන්නත් මාත්රා මාලාවක් මගින් අඩපණ කිරීම සිදු නොවන අවස්ථාවක තව තවත් ගුණනය වෙමින් මොළය හා සුසුම්නාව වෙත ගමන් ගනී. මෙහිදී ස්නායු පද්ධතිය අඩපණ කර දැමේ. රෝග ලක්ෂණ ඇති වීමට දින පහත් අවුරුදු දෙකත් අතර කාලයක් ගත වීමට හැකියි. රෝග ලක්ෂණ ඇතිවී දින කිහිපයක් ඇතුළත රෝගියා මරණයට පත්වීම මෙහි ඇති භයානක මෙන්ම සෝචනීය තත්ත්වයයි.
මාරාන්තික ජලභීතිකා රෝගය පැතිරීම වළක්වාගැනීමට මේ මොහොතේ ඔබේ නිවසේ සුරතලා ගැන වැඩි අවධානයක් යොමු කළ යුතුයි. සුරතල් සතුන් සඳහා ලබා දෙන ජලභීතිකා වළක්වන එන්නත් තවමත් පශු වෛද්ය සේවාවන් හරහා ලබාගත හැකි නිසා හැකිතාක් ඉක්මනින් ඒ සඳහා යොමු වීම වැදගත්ය.
නිවසේ සිටින සූරතල් සතුන්ට මූලික ජලභීතිකා එන්නතට පසුව වාර්ෂිකව ලබා දිය යුතු බූස්ටර් ජලභීතිකා මර්ධන එන්නත් මාත්රාද නිසි කලට ලැබී ඇති බවට වගබලාගත යුතු වේ.
සුරතල් සතුන්ගේ ජලභීතිකාවට එරෙහි ප්රතිශක්තිය යාවත්කාලීන කරන අතරතුරේම සතුන් දඩාවතේ යෑම වළක්වාගැනීමත් කළ යුතු අනෙක් කරුණයි.
ජලභීතිකාව බෝ වීමට හැකි එකී අවදානම සහිත සතුන්ගේ සපාකෑම් වළක්වා ගැනීමට සියලු ක්රියාමාර්ග ගැනීම ඉතාම වැදගත්වේ.
වැඩිහිටියන් මෙන්ම කුඩා දරුවනුත් මේ මොහොතේදී ආරක්ෂා කර ගැනීම පුරවැසි යුතුකමද වේ.
මේ දුෂ්කර අවස්ථාවේ, අප සියලු දෙනා එකාවන්ව ඉහත කී නිසි ක්රියාමාර්ග අනුගමනය කිරීමේ පුරවැසි යුතුකම ඉටු කළ යුත්තෙමු. එවිට ඔබේත් ඔබේ පවුලේ සමීපතමයන්ගේත් මෙන්ම ඔබේ අසල්වැසියන්ගේත් ජීවිත, ජලභීතිකාවෙන් එල්ලවිය හැකි මාරාන්තික තත්ත්වයෙන් ගලවාගැනීමට හැකි වනු ඇති.
(සෞඛ්ය ප්රවර්ධන කාර්යාංශය ලබා දුන් විස්තර ඇසුරෙනි.)
-සටහන- මාධවී ධර්මරත්න
රටේ ආර්ථිකය තවමත් තිබෙන්නේ අතුරේ යන තත්ත්වයක බව එක්සත් ජනරජ පෙරමුණේ නායක පාඨලී චම්පික රණවක මහතා පැවසීය.
අපරාධ පරීක්ෂණ දෙපාර්තමේන්තුවේ නිලධාරීන් බව පවසා කොල්ලුපිටිය ප්රදේශයේ නිවෙසකින් රුපියල් එක්කෝටි විසිලක්ෂයක මුදලක් සහ එහි තිබූ ඩොලර් 3500 ක මුදල් කොල්
වැටුප් විෂමතා ඇතුළු වෘත්තීය ගැටලු කිහිපයක් මුල් කරගනිමින් සියලුම විශ්වවිද්යාල අනධ්යන කාර්ය මණ්ඩලය අද (02) දහවල් 12.00 සිට අඛණ්ඩ වෘත්තීය ක්රියාමාර්ගයක
පරාටේ නීතිය දෙසැම්බර් 15 දක්වා අත්හිටුවීම සඳහා වූ පනත් කෙටුම්පතට කොන්දේසිවලට යටත්ව මුදල් කාරක සභාවේ අනුමැතිය ලැබී ඇත.
මිනුවන්ගොඩ සෞඛ්ය වෛද්ය නිලධාරී කොට්ඨාසයේ ගම් 15 ක මී උණ රෝගය වැළඳීමේ අධි අවදානම් ස්ථාන 65ක් නම් කිරීමට සෞඛ්ය වෛද්ය නිලධාරි කාර්යාලය මගින් පියවර ගෙ
කටුනායක ගුවන් තොටුපොළ තුළ ආගමන විගමන දෙපාර්තමේන්තු නිලධාරීන් විසින් මෙතෙක් සිදු කළ වීසා නිකුත් කිරීමේ ක්රියාපටිපාටිය ඉන්දීය පෞද්ගලික සමාගමකට පැව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මාරාන්තික ජලභීතිකාව වලක්වා ගනිමු