( ශාන්ත චන්ද්‍රසිරි)

රජය විසින් වැඩිකරන ලද රුපියල් 1000 දෛනික වැටුප නිසි ලෙස තමන්ට ලබා දෙන ලෙස වතු  සමාගමට  බල කරමින් තලවකැලේ, ලිඳුල, මටේකැලේ වතුයායේ    වතු කම්කරුවන්  අද   (14) උද්ඝෝෂණයක නිරතවුහ.

රජයේ හා වැටුප් පරිපාලක සභාවේ චක්‍රලේඛණවලට පටහැගිව යමින් වැවිලි සමාගම්  විසින් පැය අටක දිනක සේවයට ලබා දෙන රුපියල් 1000 ක දෛනික වැටුප නොගෙවා විවිධ කොන්දේසි දමමින් ඉන් අඩක් ගෙවීමට පියවර ගෙන ඇතැයි උද්ඝෝෂණයේ නිරත වතු කම්කරුවෝ පවසා සිටියහ.

වතු සමාගම විසින් මීට පෙර වතු කම්කරුවන්ට ලබාදුන් සුභසාධන කටයුතු කිසිවක් මේ වනවිට ලබා නොදී සිටින බවත්, අසාධාරණ ලෙස දිනකට තේ දළු කිලෝ 20 ක් කැඩිය යුතු බවට වතු පාලන අධිකාරිය විසින් පවසා  සිටින බවද ඔවුහු පවසා සිටියහ. 

මටේකැලේ වතුයායේ වතු කම්කරුවන් 300 ක පමණ පිරිසක් කලු කොඩි ඔසවමින් හා පෝස්ටර් ප්‍රදර්ශණය කරමින් තේ කර්මාන්ත ශාලාව ඉදිරිපිටට එක්රැස්ව මෙසේ උද්ඝෝෂණයේ නියලිණි.