(රෝහණ සමරවීර)

ගොඩකවෙල දිසා රෝහලෙන් ප්‍රතිකාර ලබා ගැනීමට පැමිණෙන රෝගීන්ට අවශ්‍ය ඖෂධ වර්ග  නොමැති වීමෙන් රෝගීහු දැඩි අසීරුතාවයන්ට පත්වී සිටිති.

ගොඩකවෙල, කොස්නාතොට, බලව්න්න, පින්නකන්ද, බිබිලේගම, වෙත්තිලකන්ද, මල්වත්ත, ගලහිටිය, මස්ඉඹුල,  නියන්ගම, වරායාය ඇතුළු ගම්මාන රැසක ජනතාව ගොඩකවෙල දිසා රෝහලෙන් ප්‍රතිකාර ලබා ගැනීම සදහා පැමැණෙති.

හෘද රෝගග දියවැඩියා රෝග, ළමා, මාතෘ,මානසික රෝග විශෙෂඥ වෛද්‍ය සායන ඇතු, සායන ගණනාවක් එම රෝහලේ පැවැත්වෙන අතර එහි භාහිර රෝගී අංශයට දිනපතා පැමිණෙන රෝගීහු සංඛ්‍යාව දෙසිය පනහත් හාරසියයත් අතර පවතී.

නමුත් තමන්ට අවශ්‍ය කරන බොහෝ ඖෂධ ෆාමසිවලින් ගැනීමට වෛද්‍යවරුන නියම කිරීම නිසා මුදල් නොමැති වීමෙන් ඒවා ලබා ගැනීමට නොහැකි තත්ත්වයක් උදාවී ඇතැයි ඔවූහු අඳෝනා නගති.