(රන්ජන් කටුගම්පොල)

හිටපු අමාත්‍ය නාමල් රාජපක්ෂ මහතාගේ විවාහ මංගල උත්සවයට නොමිලේ විදුලිය සැපයීම මගින් රටේ ජනතාවගේ මූලික අයිතිවාසිකම් කඩවන ලද සඳහන් කරමින් ඊට වන්දි ලබාදෙන ලෙස ඉල්ලා නීතිඥවරයකු ගොනුකොට තිබූ මූලික අයිතිවාසිකම් පෙත්සම දෙසැම්බර් 4 වැනි දින විභාගයට ගැනීමට ශ්‍රේෂ්ඨාධිකරණය දින නියම කළේය.

ලංකා විදුලි බල මණ්ඩලය පෞද්ගලීකරණය පසුව අනුප්‍රාප්තික සමාගම පෙතසමේ වගුත්තර වශයෙන් නම් කිරීමටද අධිකරණය අවසර ලබාදුන්නේය.

ශ්‍රේෂ්ඨාධිකරණ විනිසුරුවරුන්වන දිලීප් නවාස් සහ සම්පත් විජේරත්නය යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ල හමුවේ පෙතසම සලකා බැලීණ.

නීතිඥ විජිත කුමාර මහතා විසින් ගොනුකොට ඇති මෙම පෙතසමෙහි වග උත්තරකරුවන් වශයෙන් හිටපු විදුලි බල අමාත්‍ය කාංචන විජේසේකර හිටපු ජනාධිපති මහින්ද රාජපක්ෂ හිටපු අමාත්‍ය නාමල් රාජපක්ෂ ඇතුළු පිරිසක් නම් කරනු ලැබි සිටිති.