නිව් ඩයමන්ඩ් නෞකාවේ දෙවැනි ගින්නත් නිවා දමයි

(ඩයනා උදයංගනී)

නිව් ඩයමන්ඩ් බොරතෙල් ප්‍රවාහන නෞකාවේ හටගත් දෙවැනි ගින්න ද අද (9) අලුයම් කාලයේදී සම්පූර්ණයෙන් නිවා දැමූ බව නාවික හමුදාව පවසයි.

මේ වන විට නෞකාවෙන් දුම් හෝ ගිනි දැල් නිකුත් නොවන බව නාවික හමුදාව සඳහන් කරයි.

පවතින තද සුළං තත්ත්වය හමුවේත් එය ශ්‍රී ලංකාවට මුහුදු සැතපුම් 37 ක් දුර ගැඹුරු මුහුද දක්වා මේ වන විට ගෙන ගොස් ඇතැයි නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා මහතා පවසයි.

ශ්‍රී ලංකා නාවික හමුදාව, ශ්‍රී ලංකා ගුවන් හමුදාව, ඉන්දීය නාවික හමුදාව, ඉන්දීය වෙරළ ආරක්‍ෂක දෙපාර්තමේන්තුව ඇතුළු අනෙකුත් පාර්ශවකරුවන්ට අයත් නෞකා, ගුවන් යානා සහ ටග් යාත්‍රා තවදුරටත් මෙම මෙහෙයුමේ අඛණ්ඩව නිරතව සිටින බව නාවික හමුදා මාධ්‍ය ප්‍රකාශකවරයා කියාසිටී.

ආපදාවට පත් නෞකාවට ගොස් එහි තත්ත්වය නිරීක්ෂණය කිරීමට නාවික හමුදා කණඩායම් මේ වන විට උත්සාහ කරමින් සිටින බව ද ඔහු සඳහන් කළේය.

(ඡායාරූපය - නාවික හමුදා මාධ්‍ය අංශය)

අදහස් (11)

නිව් ඩයමන්ඩ් නෞකාවේ දෙවැනි ගින්නත් නිවා දමයි

Pathum Wednesday, 09 September 2020 06:21 AM

නැවේ ගින්න නැති නිසා අයිතිකරයින්ට නැව තමන්ගේ රටට වහාම ගෙනියන්න කියන්නයි තියෙන්නේ.

: 0 0

Nihal Dharmatileke Wednesday, 09 September 2020 06:54 AM

මෙම උත්සාහය රුපියල් සතවලින් අගය කරන්න බැහැ.

: 126 2856

nimalsiriWednesday, 09 September 2020 08:54 AM

අතීසාරයට ගහගත්ත අමුඩයක්. තව පොඩ්ඩකින් උතුරන්න පටන් ගනීවි.

: 1520 61

Nihal DharmatilekeWednesday, 09 September 2020 09:47 AM

මම ප්‍රශංසාවට ලක්කෙරුවේ, මෙයට සහභාගි වුණු අයටයි. නැතිව සැප පුටුවල ඉඳගෙන අණ දෙන අයට නොවේ.

: 133 151

විජේ Wednesday, 09 September 2020 12:02 PM

නිමල්සිරි, එහෙමද ආසා? චුට්ටක් විතර කුහකයිද මන්දා...

: 2 270

nimalsiriWednesday, 09 September 2020 10:12 AM

ඔය කොරෝනා මගුල් තේරුමක් නැහැයි කියලා පේන්නේ නැද්ද?

: 1127 2

Prabha Wednesday, 09 September 2020 05:32 PM

නිමලසිරි නාවට කොරෝනා හැදිලා කියලද හිතන් ඉන්නේ? ඒක ගින්නක්...

: 0 0

Anura Wednesday, 09 September 2020 10:15 AM

තෙල්ටික අයින් කරගත්තේ නැත්නම් ඔය කරපු කිසිම දෙකින් වැඩක් නැහැ. හෙට, අනිද්දා වෙනකොට ඔක්කොම ලීක් වෙන්න පටන් ගනීවි...

: 320 11

Asanka Wednesday, 09 September 2020 11:49 AM

අපි කොච්චර මහන්සි වුණත් ලෝක ජනමාධ්‍ය වාර්තා කරන්නේමේක ඉන්දියාවේ මෙහෙයුමක් කියලා. ලංකාවේ නාවික හමුදාව සහාය වෙනවා කියලා පමණයි. කරුණාකරලා රාජ්‍යතාන්ත්‍රික මට්ටමෙන් මේවා ලෝක ජනමාධ්‍ය වලට දැනුවත් කරන්න. අපි ලංකාවේ ඉඳන් අපේ මිනිස්සුන්ගේ රැකියාවට හුරේ දැම්මාට ලෝකේ දන්නෙත් නැහැ.

: 15 310

නුවන් දිසානායක Wednesday, 09 September 2020 06:18 PM

මෙයට සහභාගි වූ සියලු දෙනාටම මුළු ලෝකෙම පරිසරය වෙනුවෙන් අපගේ හෘදයාංගම ස්තුතිය පුදකර සිටිනවා. කරුණාකරලා මේ වෙලාවේ නයිජීරියාවේ සහ මුරුසි දිවයිනේ සිරවී සිටින ශ්‍රී ලාංකික නාවික නිලධාරීන් බේරාගැනීමට රාජතාන්ත්‍රික ව කටයුතු කරන්නේ නම් බොහොම හොඳයි.

: 0 0

Nuwan Thursday, 10 September 2020 07:18 AM

මෙය ඉතාම උදාර කාර්යයක්.. සමුද්‍ර පරිසර දූෂණය වැළැක්වීම සඳහා ශ්‍රී ලාංකික නාවික හමුදාව කළා වූ උදාර සේවය අපි අගය කරමු. මේ අතරම නයිජීරියාවේ සහ මුරුසි දිවයින්වල සිරවී සිටින ශ්‍රී ලාංකික නාවික නිලධාරින් ගැනත් බලධාරින් සිතනවා නම් හොඳයි.

: 0 0