(තුසිත කුමාර ද සිල්වා)

බේරුවල බුබුල වත්ව ඉපැරණි විහාරස්ථානයක් ඉදිරිපිට පාලු වත්තක නිධන් හාරමින් සිටි බව කියන සැකකාර පුද්ගලයන් ති දෙදෙනෙකු නිධන් හෑරීමට යොදාගත් උපකරණ සමග බේරුවල පොලිසියේ නිලධාරීන් කණ්ඩායමක් අද (2) අත්අඩංගුවට ගත් බව කියයි.

මෙසේ නිදන් හාරා ඇත්තේ බේරුවල පොලිස් වසමට අයත් බුබුළ වත්ත ප්‍රදේශයේ රබර් වගාවක් සහිත පාළු පුද්ගලික ඉඩමක බව පොලිසිය කියයි .

මෙම ඉඩමේ හිමිකාර පුද්ගලයා කොළඹ ප්‍රදේශයේ පදිංචි අයකු බවත් එම ඉඩමේ මුරකරු වන සැකකාර පුද්ගලයා මෙහි මහ මොළකරු බවත් අත්අඩංගුවට ගත් සැකකරුවන් තිදෙනා මුන්හේන, බුබුළ වත්ත, සහ රොක්ලන්ඩ් වත්ත ප්‍රදේශවල පදිංචිකරුවන් බවත් නිධන් හැරීමේ සිද්ධියට සම්බන්ධ තවත් සැකකරුවන් තිදෙනෙකු පලා ගොස් ඇති බවත් පොලීසිය එම ස්ථානය වැටලීමට පැය කීපයකට කලින් කිසියම් රසායනික ද්‍රව්‍යයක් යොදා එම ස්ථානයේ කළු ගලක් පුපුරවා හැර ඇතැයි ද පරීක්ෂණ සිදුකරන පොලිසිය කියයි.

පලා ගොස් සිටින සැකකරුවන්ද අත්අඩංගුවට ගැනීමට මෙහෙයුම ක්‍රියාත්මක කර ඇති බවත් පොලිස් භාරයේ සිටින සැකකරුවන් තිදෙනා අද(2) කළුතර අධිකරණ යට ඉදිරිපත් කිරීමට නියමිත අතර නිධන් හෑරූ බව කියන භූමිය සම්බන්ධයෙන් පුරාවිද්‍යා අංශ වෙත දැනුවත්කර ඇතැයි ද පොලිසිය කියයි .