(ෂේන් සෙනෙවිරත්න)

ප්‍රබල දේශපාලකයකුගේ ආධාරකරුවකු මහනුවර දංගොල්ල ඌරවල ප්‍රදේශයේ සම්බාහන මධ්‍යස්ථානයක් නමින් පවත්වාගෙන ගිය ගණිකා මධ්‍යස්ථානයක් වටලා එහි සිටි කාන්තාවන් දෙදෙනකු සහ කළමනාකරු අත්අඩංගුවට ගත් බව මහනුවර මූලස්ථාන පොලීසිය කියයි .

අත්අඩංගුවට පත් කාන්තාවන් තඹුත්තේගම සහ මාතලේ ප්‍රදේශයේ පදිංචිකරුවන් බව පවසන පොලිසිය ඔවුන් 35සහ 38 වයස්වල පසු වන්නියන් බව කියයි .

මහනුවර ප්‍රදේශයේ ප්‍රබල දේශපාලකයකුගේ බලය අයුතු ලෙස භාවිතා කරමින් එම පුද්ගලයා මහනුවර පොලිස් බල ප්‍රදේශයේ සහ ඉන් පිටත ප්‍රදේශවල මෙවැනි ගණිකා මධ්‍යස්ථාන කිහිපයක්ම පවත්වාගෙන යන බව පොලීසිය කියයි .