(සුමිත් පොතුපිටිය)

කළුතර , කටුකුරුන්ද ප්‍රදේශයේ නිවසක් තුලදී පපුවට තියුණු ආයුධයකින් පහරදී දෙදරු පියෙකු ඝාතනය කර ඇති බවට ලද තොරතුරක් මත  පයාගල පොලිසිය පරීක්ෂණ ආරම්භ කර තිබේ .

මෙසේ ඝාතනයට ලක්ව ඇත්තේ කළුතර කටුකුරුන්ද සනස මාවතේ පදිංචිව සිටී බත්තරමුල්ල ගමගේ අමිත් ප්‍රියදර්ශන නමැති 36 හැවිරිදි  දෙදරු පියෙකු බව පොලිසිය කීය.

පුද්ගලයෙකු නිවසක් තුල අභිරහස් අන්දමින් මියගොස් ඇති බවට ලද තොරතුරක් මත පරීක්ෂණ සිදුකිරීමේදී නිවසේ සාලයේ උඩුබැලි අතට වැටී තිබූ මළසිරුර හමුව තිබේ.

ඝාතනයට ලක්ව ඇති තැනැත්තාගේ පපුවේ සහ උදර ප්‍රදේශයේ ගැඹුරු තුවල පහරවල් දක්නට ලැබුන බව පරීක්ෂණ සිදුකරන නිළධාරියෙක් කීය.

ඝාතනය සම්බන්ධයෙන් කිසිවෙකු අත්අඩංගුවට ගෙන නොමැති බවද පොලිසිය සදහන් කරයි.

කළුතර කොට්ඨාශ අපරාධ ස්ථාන පරීක්ෂණ නිළධාරීන් සහ මහේස්ත්‍රාත් පරීක්ෂණය සිදුකිරිමට නියමිත බවද පොලිසිය පවසයි .

පයාගල පොලිසිය පරීක්ෂණ පවත්වති .