(හිරාන් ප්‍රියංකර ජයසිංහ)

මාරවිල මූදුකටුව ඉන්ධන හලට දින 13 කින් ඩිසල් නොලැබිමට විරෝධය පා   අද  (6)  උදෑසන සිට  කොළඹ හලාවත මාර්ගය මූදුකටුව ඉන්ධන හල අසලින් වසා දමා ඇති බව මාරවිල පොලිසිය කියයි.

විරෝධතාවයෙ නිරත පිරිස් පවසනුයේ මූදුකටුව ඉන්ධන හලට දින 13 කින් ඩිසල් ලබා නොදිමෙන් තම දෛනික කටයුතු කර ගැනිමට නොහැකි තත්වයක් උද්ගතව ඇති බවයි.

මේ නිසා තම වාහන නිවෙස් තුළ තබා ගැනිමේන් ව්‍යාපාර කටයුතු හා රැකියාවන් අහිමි වි ඇති බවට මොවුහු චෝදනා කරති.

මූදුකටුව ඉන්ධනහල අසලින් ඩිසල් ලබා දෙන ලෙස ඉල්ලා සම්පුර්ණයෙන් වාහන මාර්ගය හරස් කරමින් තිබිමත් සමග ගමනා ගමන කටයුතු නැවති ඇති බව පොලිසිය කියයි.

ප්‍රධාන මාර්ගයේ ගමන් කිරීමට නොහැකි විම හේතුවෙන් මාර්ගයේ ගමන් ගන්න අනෙක් වාහන විකල්ප මාර්ග වලින් යැවිමට පොලිසිය කටයුතු කරමින් සිටිති.