කොරෝනා වසංගතයත් සමග වසර දෙකකට ආසන්න කාලයක් මුළුල්ලේ අපි නිවෙසට කොටුවී සිටියෙමු. රැකි රක්ෂාවලින් සහ එදිනෙදා ජීවිතයට සමීප ක්රියාකාරකම්වලින් ටිකක් ඈත්වීමට අපට සිදුවිය. එවැනි අවස්ථාවලදී විවිධ මානසික රෝගවලට ගොදුරැවූ රෝගීන් ද අපි දුටිමු.
මානසික සෞඛ්ය නිසි ලෙස පවත්වාගෙන යාම ඉතා වැදගත් වන අතර මානසික සෞඛ්යයෙන් තොර සෞඛ්යයක් නොමැති බවද වටහා ගත යුතුය. එදිනෙදා ජීවන රටාව මනාව පවත්වා ගැනීමෙන් මානසික සෞඛ්යය රැකගැනීමට හැකියාව ලැබේ.
ඒ අතරින් සෞඛ්ය සම්පන්න ආහාර ගැනීම, ශාරීරික ක්රියාකාරකම්, මානසික යහපැවැත්ම ඉතා වැදගත්වේ.
මානසික යහපැවැත්ම යනු මානසික රෝගී තත්ත්වයක් නැතිවීම පමණක් නොවේ. ලෝක සෞඛ්ය සංවිධානයට අනුව මානසික යහපැවැත්මක් ඇතිවිට යම් පුද්ගලයෙකුට තමාගේ හැකියාවන් පිළිබඳ අවබෝධයක් ලැබේ. එමෙන්ම එදිනෙදා ජීවිතයේ ඇතිවෙන සාමාන්ය ආතතිවලට මුහුණදීමට හැකියාව ලැබෙන අතර ඵලදායි ලෙස ඉගෙනගැනීමට සහ රැකියාව සිදු කිරීමට හැකියාව ලැබේ.
මානසික යහපැවැත්ම නොමැතිවීමෙන් ඇතිවන අහිතකර බලපෑම් බොහෝය. ඒ අතර හෘදයාබාධ සහ දියවැඩියාව වැනි රෝග තත්ත්ව සඳහා වැඩි අවදානමක් පවතී. එමෙන්ම ශරීරයේ බරවැඩි වීමේ ප්රවණතාව, සුවදායි නින්දක් නොලැබීම, ප්රතිශක්තිකරණය අඩු වීම වැනි තත්ත්ව ඇතිවේ.
කායික සෞඛ්යය මෙන්ම අපගේ මානසික සෞඛ්යය රැක ගැනීමෙන් වාසි රැසක් අත්වෙයි. එනම් තමන් පිළිබදව හොද අවබෝධයක් සහ පාලනයක් ඇතිවීම, නම්යශීලීවීම, විවේචනවලට හොදින් ප්රතිචාර දැක්වීම, අන් අය පිළිබදව වඩාත් ධනාත්මකව සිතීම, ඉහළ මට්ටමේ බැදීම් ඇතිකර ගැනීම, රාජකාරිය සහ ගෘහ ජීවිතය සතුටින් ගතකිරීමට හැකියාව ලැබේ. එමෙන්ම අභියෝගවලට මුහුණදීමේ හැකියාව වර්ධනයවීම, රෝගීවීම අවමවීම සහ දිගු කාලීන ජීවිතයකටද හිමිකම්කීමට හැකියාව ලැබේ.
සම්බන්ධ වන්න
පවුලේ සාමාජිකයන් සමග නිතරම සාමුහික ක්රියාකාරකම්වල නිරතවීම මගින් පවුලේ සමගිය මෙන්ම සබදතාවද ගොඩනැගේ. එමෙන්ම යහළුවන්, සහ අසල්වැසියන් සමඟ සබඳතා ගොඩනඟා ගැනීමෙන් ඔබ මුහුණ දෙන අසීරු අවස්ථාවලදී ඔවුන් ආධාරක ජාලයක් ලෙස ඔබ සමග ක්රියා කරනු ඇත.
අනෙකාට උදවු කරන්න
අන්යයන්ට උපකාර කිරීමෙන් ඔබගේ ජීවිතයට අරමුණක් සහ අර්ථයක් එක් කළ හැකිය. එසේම ඔබට වටිනාකමක් ද ලැබෙනු ඇත. එය හුදෙක් ද්රව්යමය දේට වඩා වැඩි දෙයක් විය හැකිය. යහලුවෙකුට හෝ ඔබ නොහඳුනන කෙනෙකුට ක්රියාවෙන් හෝ වචනයකින් හෝ උදවුවක් කිරීම තුළින් ඔබගේ සතුට, ආත්ම තෘප්තිය සහ යහපැවැත්ම වැඩිවනු ඇත.
ක්රියාශීලී වන්න
කායික වශයෙන් ක්රියාශීලීවීම ශරීරයට මෙන්ම මනසටද සුවයක් ගෙනදෙන අතර ඔබ කැමති එමෙන්ම ඔබට සරිලන කායික ක්රියාකාරකමක යෙදීම වැදගත්වේ. එනම් ඇවිදීම, බයිසිකල් පැදීම, නර්තනයේ යෙදීම, ගෙවතුවගාවල යෙදීම වැනි ක්රියාකාරකම්වල නිරතවීම වැදගත්වේ.
ඔබව පුදුම කරන්න
අළුත් දේ අත්හදා බැලීම, අළුත් දේ අත්විඳීම සහ අපගේ හැකියාවන් මුවහත් කර ගැනීම මඟින් අපගේ මොළය ධනාත්මක ලෙස උත්තේජනය වේ. ඔබ වෙනුවෙන් වේලාවක් වෙන්කර ගත යුතු අතර තමන්ට කරැණාවන්තවීම, තමාගේ ඇති හොද ගතිගුණ අවබෝධකරගෙන ඒවා අගය කිරීම මගින් ඔබට විනෝදාශ්වාදයක් ලැබෙනවා සේම තමන් ගැන විශ්වාසයක් ද ගොඩනැගෙනු ඇත.
-සටහන- ගයාන් සූරියආරච්චි
අහමදාබාද් ජාත්යන්තර ගුවන් තොටුපොළේදී අත්අඩංගුවට ගත් ක්රියාකාරී අයි.එස් ත්රස්තවාදීන් සිව් දෙනා මීගමුව සහ කොළඹ ප්රදේශවල පදිංචි ශ්රී ලාංකිකයන් බ
ශ්රී ලංකා රේගුව විසින් රාජසන්තක කෙරුණු පරිප්පු කන්ටේනර් පහක් එංගලන්තයේ පාතාල නායකයකුගේ මැදිහත්වීමෙන් පාතාල ක්රියාකාරීන් පිරිසක් වෙනත් පාර්ශවයක
පෙරාදෙණිය විශ්ව විද්යාලයේ ශාස්ත්ර පීඨයේ පීඨාධිපතිවරයාගේ කාර්යාලය ඇතුළු අධ්යයන කාර්ය මණ්ඩලයට අයත් අධ්යයන දෙපාර්තමේන්තු 19 ක ඇතුළු කලාගාරයේ යතුර
කිලිනොච්චිය පුනරීන් පාලම ආසන්නයේ දී අද (21) දින ධාවනය වූ පෞද්ගලික බස් රථයක් පෙරලී යාම හේතුවෙන් එහි ගමන්ගත් මගීන් හයදෙනෙකු බරපතල තුවාල ලබා ඇතැයි පුනරීන්
නියමිත කාලයේ නොපවත්වා කල් දමා ඇති පළාත් පාලනය මැතිවරණය වහාම පැවැත්වීමට නියම කරන්නැයි ඉල්ලමින් සමගි ජන බලවේගය ඇතුළු පක්ෂ හා සංවිධාන ගොනු කර ඇති මුලික අ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජීවිතය සුන්දර කරන මානසික සෞඛ්යය