(මනෝප්‍රිය ගුණසේකර)

චාවකච්චේරි නගර සභාවේ නාගරික මන්ත්‍රී යශෝකුමාර් දුෂ්‍යන්තම් මහතාට ඔහුගේ මන්ත්‍රීධූරයේ කටයුතු කිරීමේ වළකාලමින් ශ්‍රේෂ්ඨාධිකරණය අතුරු නියෝගයක් අද නිකුත් කළේය.

චාවකච්චේරි ප්‍රදේශයේ ඡන්දදායකයන් දෙදෙනකු ගොනුකර තිබූ මූලික පෙතසමක් විභාගයට ගැනීමෙන් පසු ශ්‍රේෂ්ඨාධිකරණය අදාළ අතුරු නියෝගය නිකුත් කළේය.

ශ්‍රේෂ්ඨාධිකරණ විනිසුරුවරුන් වන යසන්ත කෝදාගොඩ, මහින්ද සමයවර්ධන සහ මේනකා විජේසුන්දර යන මහත්ම මහත්මීන්ගේ සමන්විත විනිසුරු මඩුල්ලක් හමුවේ පෙත්සම සලකා බැලීණි.

චාවකච්චේරි නගරසභා බලපදේශයේ පදිංචි ජන්දායකයන් දෙදෙනකු ගොනුකොට ඇති පෙත්සමේ උත්තකරුවන් වශයෙන් සමස්ත ලංකා ද්‍රවිඩ කොංග්‍රසයේ මහලේකම් ජී.ජී. පොන්නම්බලම්, චාවකච්චේරි නාගරික මන්ත්‍රී යශෝකුමාර් දුෂ්‍යන්තම්, චාවකච්චේරි නගර සභාව, තේරීම් භාර නිලධාඑීවරයා ඇතුළු පිරිසක් නම් කර ඇත.

පෙත්සම කැඳවු අවස්ථාවේදී පෙතස්ම්කරුවන් වෙනුවෙන් පෙනී සිටි ජනාධිපති නීතිඥ සුරේන් ප්‍රනාන්දු මහතා මහතා කරුණු දක්වමින් චාවකච්චේරි නාගරික මන්ත්‍රී යශෝකුමාර් දුෂ්‍යන්තම් මහතා නගර සභා බල සීමාවෙන් පිටත පදිංචිකරුවකු වන බැවින් ඔහුගේ පත්විම බල රහිතකරන රිට් අඥාවක් නිකුත් කරන්නැයි ඉල්ලා සිටියේය.

වගඋත්තරකරුවන් වෙනුවෙන් පෙනී සිටි නීතීඥ ආචාර්ය කුමාර්. ගුරුබරන් මහතා කරුණු දක්වමින් අදාළ නාගරික මන්ත්‍රීවරයා චාවකච්චේරි නගර සභා බලපදේශයේ මායිමේ පදිංචිකරුවකු බවත් එහෙයින් ඔහු එම ප්‍රදේශයේ පදිංචිකරුවකුෙ වශයෙන් සැලකිය යුතු බව සඳහන් කරමින් අදාළ ලේඛණ ඉදිරිපත් කළේය.