(රෝෂන් තුෂාර)

ග්‍රීසිය දැඩි ආර්ථික අර්බුදයක පවතින බව දැන දැනම එරට භාණ්ඩාගාර බිල්පත් මිල දී ගැනීමෙන් රජයට රුපියල් මිලියන 1843කට අධික මුදලක් පාඩු කළේ යැයි අධි චෝදනා ලැබ සිටි හිටපු මහ බැංකු අධිපති අජිත් නිවාඩ් කබ්රාල් ඇතුළු විත්තිකරුවන් අදාල නඩුවෙන් නිදහස් කිරීමට කොළඹ මහාධිකරණ විනිසුරු මොහොමඩ් මිහාල් මහතා අද නියෝග කළේය.

කබ්රාල් මහතා සමග මහ බැංකුවේ හිටපු නියෝජ්‍ය අධිපතිවරුන් වන කේ.ඩී. ධර්මසේන ධීරසිංහ, බී.ඩී. වසන්ත ආනන්ද සිල්වා, සහකාර අධිපතිව එච්.ඒ. කරුණාරත්න මෙසේ  නිදහස් කළේය.

2011 වසරේදී ග්‍රීසියේ බැඳුම්කරවල ආයෝජනය කිරීමෙන් රුපියල් කෝටි 184ක මුදලක් රජයට අහිමි කිරීමේ චෝදනාව යටතේ ශ්‍රී ලංකා මහ බැංකුවේ හිටපු අධිපති අජිත් නිවාඩ් කබ්රාල්ට ඇතුළු පස් දෙනකුට එරෙහිව අල්ලස් කොමිසම නඩු පැවැරීය.