(තිලකරත්න දිසානායක)

ගම්පහ බණ්ඩාරනායක විද්‍යාලයේ කීර්තිමත් ආදී ශිෂ්‍යයකු වන වත්මන් ගුවන් හමුදාපති එයාර් මාෂල් උදේනි රාජපක්ෂ මහතා පිළිගැනීමේ උත්සවයක් එම විද්‍යාල පරිශ්‍රයේදී අද (27) පෙරවරුවේ පැවැත්විණි.

විද්‍යාලයේ නර්තන කණ්ඩායම ගුවන් හමුදාපතිවරයා කැටුව ආහ. අනතුරුව බාලදක්ෂයන්ගේ ආචාරය මධ්‍යයේ රණවිරු ස්මාරකය වෙත ගොස් පුෂ්පෝපහාර දැක්වීය. පෙරදිග තූර්ය වාදක කණ්ඩය ක්‍රීඩාංගණය වෙත කැදවාගෙන ගොස් උපහාර පුද කොට ශිෂ්‍ය භට ඛණ්ඩයයේ උත්තමාචාරය පුද කිරීමද සිදු කෙරිණි.

අනතුරුව විද්‍යාලයේ ගගන අංශයේ සිසුන් විසින් නිර්මාණය කළ ගුවන් යානා සංදර්ශනයක්ද පැවැත්විණි.

බණ්ඩාරනායක විදුහල්පති කසුන් ගුණරත්න මහතාගේ මගපෙන්වීම මත ආචාර්ය මණ්ඩලය සහ ආදි ශිෂ්‍ය සංගමය මගින් මෙම උත්සවය සංවිධානය කොට තිබිණි.

මෙම අවස්ථාවට ගුවන් හමුදාපතිවරයාගේ මව පේමවතී රාජපක්ෂ, බිරිද ඉනෝකා රාජපක්ෂ යන මහත්මීන්ද , බණ්ඩාරනායක විදුහල්පති කසුන් කසුන් ගුණරත්න, නියෝජ්‍ය විදුහල්පතිනී උදේශිකා කාරියවසම්,, ආදි ශිෂ්‍ය සංගමයේ සභාපති එස්.මිලාන් ප්‍රභාත් යන මහත්ම මහත්මීන්ද , ආචාර්ය මණ්ඩලය, ත්‍රිවිධ හමුදා සහ පොලිස් ප්‍රධානීන් සහ සිසු දරුවන් එක්ව සිටියහ.