IMG-LOGO

2025 සැප්තැම්බර් මස 01 වන සඳුදා


කොරෝනාවෙන් බේරෙන්න වඩා හොඳ මාස්ක් එකද? ෆේස් ෂීල්ඩ් ද?

මාස්ක් එකක් වෙනුවට ෆේස් ෂීල්ඩ් එකක් පමණක් පැළඳීම කොරෝනා වසංගතයට කිසිසේත්ම ප්‍රමාණවත් නොවන බව මුලින්ම කිව යුතුයි.

කොවිඩ් ආසාධිත පුද්ගලයකුගෙන් නිරෝගී පුද්ගලයකු වෙත අවකාසය හරහා වයිරසය ගමන් කිරීම හැකිතාක් අවම කිරීම මුහුණු ආවරණය දැමීම මගින් අපි මූලිකවම අපේක්ෂා කරයි. මුව ආවරණයක් මගින් පෙරහන් කිරීම කෙතරම් දුරට සාර්ථකද සහ එය මුහුණට කොපමණ හොඳින් සවි වී තිබේදැයි යන කාරණය මත මෙය රඳා පවතී.

එනමුත් ෆේස් ෂීල්ඩ් එකක් මගින් සිදුවනුයේ තමා සමීපයේ සිටින පුද්ගලයකුගේ මුවින් පිටවන විසබීජ සහිත කෙළ බිඳිති තම මුව මතට පතිත වීම වැලැක්වීමයි.

තමාට පුද්ගල දුරස්තභාවය රැකගත නොහැකි අවස්ථාවකදී අන් පුද්ගලයකුගේ කෙළ බිඳිති තම මුව මත පතිත වීම වලක්වා ගැනීම සඳහා මාස්ක් එකට අමතරව ෆේස් ෂීල්ඩ් එකක් ද පැළැඳිය හැකියි. මීට අමතරව කෙළ බිඳිති පතිත වී මුව ආවරණය අපිරිසුදු වීම වැලැක්වීම සඳහා ෆේස් ෂීල්ඩ් එකක් පැළැඳීම අනුමත කළ හැකියි. විශේෂයෙන්ම කැස්ස වැනි රෝග ලක්ෂණ සහිත පුද්ගලයන් සමග නිතර ගැවසෙන රෝහල් කාර්ය මණ්ඩලවලට තම මුව ආවරණය අපිරිසුදු වීමෙන් ආරක්ෂා කර ගැනීම සඳහා ෆේස් ෂීල්ඩ් එක පැළැඳිය හැකිය.

එහෙත් කිසිම විටෙක මුව ආවරණය වෙනුවට භාවිත කළ හැකි ආදේශකයක් ලෙස මෙය නොපැළඳිය යුතුයි. මුව ආවරණයකින් තොරව ෆේස් ෂීල්ඩ් එකක් පමණක් දැමීමෙන් අපේක්ෂිත ආරක්ෂාව කිසි ලෙසකින්වත් ඉටු නොවේ.

මෙහිදී අවධාරණය කළ යුතු විශේෂිත කරුණක් තිබේ.එනම් මුව ආවරණයක් පැළැඳීම යනු වසංගත තත්ත්වයෙන් ආරක්ෂා විය හැකි එක් උපක්‍රමයක් මිස පූර්ණ ආරක්ෂාවක් නොවන බවයි.එසේම පවතින වසංගත තත්ත්වය අවම කර ගැනීමට නම් මෙවන් ආරක්ෂණ උපක්‍රම සේම සෙනඟ ගැවසෙන තැන් මඟ හැරීම, පුද්ගල දුරස්තභාවය රැක ගැනීම, දෑත් නිතරම පිරිසුදුව තබා ගැනීම යන සෞඛ්‍ය මාර්ගෝපදේශනද එක සේ ඉවහල් වේ.

(සෞඛ්‍ය ප්‍රවර්ධන කාර්යාංශය ලබා දුන් තොරතුරු ඇසුරින් සැකසිණි)

-සටහන- මාධවී ධර්මරත්න

 



අදහස් (1)

කොරෝනාවෙන් බේරෙන්න වඩා හොඳ මාස්ක් එකද? ෆේස් ෂීල්ඩ් ද?

gamunu Tuesday, 29 June 2021 05:55 AM

කොරෝනාවෙන් බේරෙන්න වඩා හොඳ මාස්ක් එකද? ෆේස් ෂීල්ඩ්ද? පිළිතුර මාස්ක් දෙකම පැළඳීම වඩාත් සුදුසු වේ. නමුත් වඩාත්ම හොඳ එන්නත ලබාගැනීම වේ. එන්නත් ලැබෙනතුරු මාස්ක් එක අනිවාර්ය වේ. එසේ නොවුණ හොත් කොරෝනා වැළඳීමෙන් පසු දින 14ක් කොන්වී සිටීමට සිදුවනු ඇත..

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 67 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15578 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 529 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site