IMG-LOGO

2025 සැප්තැම්බර් මස 01 වන සඳුදා


කොරෝනාවෙන් බේරෙන්න මුහුණු ආවරණ මෙහෙම පළදිමු

කොවිඩ් වසංගතයෙන් ආරක්ෂාවීමේදී නිවැරදිව මුහුණු ආවරණ පැළඳීම ඉතා වැදගත් වේ. පවතින වසංගත තත්ත්වය යටතේ මෙන්ම නවතම තොරතුරු අනුව අප පැළඳිය යුත්තේ මුහුණු ආවරණ එකක්ද, එකකට වඩා පැළඳිය යුතු ද යන්න ඇතැමුන් සිතද්දී තවත් පිරිසක් තවමත් නිවැරදිව මුහුණු ආවරණයක් පළඳින බව නොපෙනේ. කෙසේ වෙතත් පවතින තත්වය අනුව කොවිඩ් වසංගතයෙන් ආරක්ෂාවීමට නම් නිවසින් බැහැරව යන සෑම අවස්ථාවකම නිවැරදි අයුරින් මුහුණු ආවරණයක් පැළඳ සිටීම කළ යුතුය.

මෙහිදී නිසි ප්‍රමිතියෙන් යුත් මුහුණු ආවරණයක් තෝරාගැනීම ද වැදගත් වේ. ඔබ පළඳින්නේ කේ.එන්95 වර්ගයේ මුව ආවරණයක් නම් එය නිවැරදිව මුහුණට සියලු දාර ස්පර්ශ වී ඇති ආකාරයට පළඳින්නේ නම් එය මතින් අමතර මුව ආවරණයක් පැළඳීමේ අවශ්‍යතාවයක් නැත. නමුත් සර්ජිකල් වර්ගයේ මුහුණු ආවරණයක් (Surgical mask) භාවිතයේ දී මුහුණත්, මුව ආවරණයත් අතර හිඩසක් තිබීම දක්නට ලැබේ. ඒ නිසා ඊට පිටතින් රෙදි මුව ආවරණයක් පැළඳීමෙන්, ඇතිවන හිඩැස් අවම කරගත හැක. මේ වන විට වෛද්‍යවරුන් ද මෙය වඩා ආරක්ෂාකාරී බව පවසා තිබේ.

රෙදි මුව ආවරණයක් පැළඳීම, කිසිදු මුව ආවරණයක් නොපළඳිනවා ට වඩා ඉතා ආරක්ෂාකාරී ක්‍රමයක් වන නමුත් රෙදි මුව ආවරණයකින් ලැබෙන ආරක්ෂාව එහි ඇති ස්තර ගණන මෙන්ම එය සාදා ඇති අමුද්‍රව්‍ය මත තීරණය වේ. ඒ නිසා ඉතා වැඩි අවදානමක් ඇති අවස්ථාවක, වැඩිපුර ආරක්ෂාවක් අවශ්‍ය විටෙක ඉහත සඳහන් කළ ආකාරයට surgical mask එකක් පැළද ඊට පිටතින් රෙදි මුව ආවරණයක් පැළඳිය හැකි අතර රෙදි ආවරණයක් පමණක් පැළඳීම ප්‍රමාණවත් නොවිය හැක.

එමෙන්ම මුහුණු ආවරණයක් පැළඳ සිටින අවස්ථාවේදී මෙන්ම නොපැළඳ සිටින විටත් මුහුණ ඇල්ලීමෙන් හැකි පමණ වැළකී සිටිය යුතුය.

මුහුණ ස්පර්ශ කිරීමේ අවශ්‍යතාවක් ඇත්නම් එය කළ යුත්තේ සබන් යොදා දෑත් සේදීමෙන් අනතුරුවය. මුහුණු ආවරණය පැළඳ සිටින විට එහි පිටත ස්පර්ශ කිරීම ද ‍නොකළ යුතුය. එමෙන්ම මුහුණු ආවරණය ගෙල ප්‍රදේශයේ රැඳවීමෙන් ද ගෙල, නිකට ආදී ස්ථානවල රැඳුණු විෂබීජ එහි තැවරීමේ අවදානමක් පවතී.

මුහුණු ආවරණය අතරින් හිඩැස් නොපවතින සේ පැළඳීම ද වැදගත් වන අතර එසේ නොකළහොත් නිසි ලෙස පෙරීමකින් තොරව ‍වයිරස් සහිත වාතය ඔබගේ ශරීරයට ඇතුළුවීමේ අවදානමක් මතුවේ. මුහුණ ආවරණය නිවැරදිව පළඳා ඇත්නම් හුස්ම ගන්නා අවස්ථාවේදී මුහුණු ආවරණය හැකිලීම සහ හුස්ම පිටකරද්දි පිම්බීම සිදුවන්නේ නම් ඔබ එය නිවැරදිව පැළඳ ඇත.

(සෞඛ්‍ය ප්‍රවර්ධන කාර්යාංශය ලබාදුන් තොරතුරු ඇසුරිනි)

ස‍ටහන - ඩයනා උදයංගනී

 



අදහස් (0)

කොරෝනාවෙන් බේරෙන්න මුහුණු ආවරණ මෙහෙම පළදිමු

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 67 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15578 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 529 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site