(අංජුල මහික වීරරත්න)

විදේශ ආධාර යටතේ ක්‍රියාත්මක වූ ආර්ථික අර්බුදය නිසා නතර කෙරුණු සංවර්ධන ව්‍යාපෘති කඩිනමින් යළි ආරම්භ කරන බව ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානී සාගල රත්නායක මහතා පැවසීය. 

 ණය ප්‍රශස්තකරණ වැඩසටහන සාර්ථක කර ගැනීමත් සමඟ එම කටයුතු සක්‍රීයව ක්‍රියාත්මක කිරීමට හැකිවනු ඇතැ රත්නායක මහතා කීය.

ලෝක බැංකුවේ සහ ආසියානු සංවර්ධන බැංකුවේ සහාය ඇතිව මෙරට ක්‍රියාත්මක කර ඇති සංවර්ධන ව්‍යාපෘති වල කොතෙක් දුරට වැඩ නිම කර ඇත්ද යන්න මෙන්ම ඒවායේ ප්‍රගතිය පිළිබඳ වාර්තාවක් ලබා දෙන ලෙස ද සාගල රත්නායක මහතා  විදේශ සම්පත් දෙපාර්තමේන්තුවේ නිලධාරීන්ට  උපදෙස්  දුන්නේය.

සාගල රත්නායක මහතා මේ බව කීවෙි  “ඉදිකිරීම් කර්මාන්තය පුනර්ජීවනය පිළිබඳ විධායක කමිටුව”ජනාධිපති කාර්යාලයේ දී රැස් වූ අවස්ථාවේ දීය. 

ඉදිකිරීම් කොන්ත්‍රාත් කරුවන් වෙත  රජය මඟින් ගෙවීමට ඇති මාස තුනක් පැරණි හිඟ බිල්පත් මෙම අගෝස්තු මාසයේ ගෙවා අවසන් කිරීමට හැකි වනු ඇති බව කමිටු සාමාජිකයන් මෙහිදී දැනුම් දුන්නේය.