ඇන්ටිජන් කරන්න බටහිර මායිමේ පරීක්ෂණ මධ්‍යස්ථාන

(ඉන්දිකා රාමනායක සහ ළහිරු හර්ෂණ)

කොරොනා රෝගය පිටපත පළාත්වලට පැතිර වීම වැළැක්වීම සඳහා බස්නාහිර පළාතෙන් පිට වන ස්ථාන 12ක දී අද සිට පුද්ගල පරීක්ෂා කිරිමක් සිදුකරණ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි .

සෞඛ්‍ය අංශ , පොලීසිය , ත්‍රිවිධ හමුදාව යොදවා මෙම පරීක්ෂණ සිදුකරන බව ද හෙතෙම කියා සිටියේය.

කොච්චිකඩේ තෝප්පුව පාලම, කොටදෙණියාවේ බඩල්ගම පාලම, නිට්ටඹුව හැලගල හන්දිය, මීරිගම ගිරිඋල්ල පාලම, දොම්පේ සමණබැද්ද පාලම, හංවැල්ල වනහගොඩ පාලම, අලුත්ගම බෙන්තර පාලම, තිනියාවල හන්දිය, ඉංගිරිය කැට කැදැල්ල පාලම, බදුරලිය සමන් දේවාලය අසල, මීගහතැන්න ගොරකා දුව අවිත්තාව පාලම, මෙන්ම දක්ෂිණ අධිවේගී මාර්ගයේ වැලිපැන්න පිවිසුම යන ස්ථානවලදී මෙම පරීක්ෂණ කටයුතු සිදු කරයි

පිට පලාත්වලට රෝගය පැතිරීම වළක්වා ගැනීම සඳහා මෙම මෙහෙයුම් සිදුකරන බව හෙතෙම කියා සිටියේය.

ඡායාරූප පුෂ්පකුමාර මල්ලවාරචචි

අදහස් (3)

ඇන්ටිජන් කරන්න බටහිර මායිමේ පරීක්ෂණ මධ්‍යස්ථාන

ksc Thursday, 29 April 2021 06:55 AM

අතිශයින්ම වැදගත් තීරණයක්. සියලුම දේශපාලනඥයින් පක්ෂ, කණ්ඩායම් මෙම අවස්ථාවේ සියලු වාද බේද අමතක කර මෙම ජාතික ව්‍යයසනය පිටුදැකීම සදහා එක්ව කටයුතු කිරීම ඉතා වැදගත්.‌ වේ. දේශපාලනය කරන්න ජනතාව ආරකෂා විය යුතුයි. ෆේස්බුක් ,යුටිබ්, යනාදී සියලුම සමාජ ජාල පරිශිලකයින්ද මෙම අවස්ථාවේ ඉතා වගකීමෙන් කටයුතු කළ යුතුයි. ජනතාව දැනුවත් කිරීම සදහා කැපවිය යුතුය. මෙම අනතුරින් රට ගලවා ගත හැක්කේ එක්ව කටයුතු කිරීමෙන් පමණි.

: 5 54

Raveendra Thursday, 29 April 2021 07:59 AM

හරි අපූරුවට වෙනවා කියල ගිය පාරත් දැක්කා.මුරපොලවල් ඉන්න පොලිසියේ අය පණ බයේ ඉන්නේ.බස් එකක් නැවත්තුවම උඩින් පල්ලෙන් විස්තර අහල යැව්ව ගිය පාර. ඔය පොටෝ එක දාල තියෙන ගිරිඋල්ල හද්දාමුල්ල හංදියෙන්ම....

: 29 16

මුණසිංහ Friday, 30 April 2021 01:51 AM

අවුරුදු කාලෙත් මේවා කලින්ම කලා නම් මෙච්චර අමාරුවේ වැටෙන්නේ නැහැ.

: 0 5