(සුජිත් හේවාජුලිගේ )

 

රටපුරා පසුගිය දිනවල ඇතිවූ ප්‍රචණ්ඩ ක්‍රියා සිද්ධීන් සම්බන්ධයෙන් පොලිසිය ඇතුළු ආරක්ෂක අංශවලට මන්ත්‍රීවරුන් ඇතුළු විවිධ පාර්ශවවලින් බරපතල චෝදනා එල්ලවිය.

ආරක්ෂක අංශවල මුල් පුටු කිහිපයක් වෙනස් කෙරෙන්නේ එම චෝදනා සැලකිල්ලට ගෙන බව දැනගන්නට ඇත.

ජනාධිපති ගෝඨාභය රාජපක්ෂ මහතා සහ ශ්‍රී ලංකා පොදුජන පෙරමුණේ මන්ත්‍රීවරුන් පිරිසක් අතර විශේෂ සාකච්ඡාවක් ජනාධිපති මන්දිරයේදී පසුගියදා පැවැත්විණ.

මන්ත්‍රීවරුන් පිරිසක් එම රැස්වීමේදීද පොලිස්පතිවරයා ඇතුළු ආරක්ෂක අංශ ප්‍රධානීන් කිහිප දෙනෙකු දැඩි ලෙස විවේචනය කළහ.

ඉන් අනතුරුව ජනාධිපතිවරයාද ඇතැම් ආරක්ෂක ප්‍රධානීන්ගේ ක්‍රියාකලාපය විවේචනය කර තිබිණ.

ආරක්ෂක අංශ ප්‍රධානීන් කිහිප දෙනකුගේ ක්‍රියා කලාපය ගැන ඇතැම් මන්ත්‍රීවරුන් විසින් පාර්ලිමේන්තුවේදීද පසුගිය දිනවල විවේචනය කරන ලදී.