(විමුක්ති එස් රුද්‍රිගු සහ යොහාන් භාසුර)

ශ්‍රී ලංකා මහ බැංකුව අද (29) නිකුත් කළ දෛනික විදේශ විනිමය අනුපාතිකයට අනුව ඇමෙරිකා එක්සත් ජනපද ඩොලරයක ගැනුම් අනුපාතය රුපියල්  347.05 ක් වූ අතර විකුණුම් අනුපාතය රුපියල් 359.99 ක් විය.

ඇමෙරිකා එක්සත් ජනපද ඩොලරයට සාපේක්ෂව රුපියල මෙරට ඉතිහාසයේ  මෙතරම් අගයකට පහළ වැටුණු පළමු අවස්ථාව මෙය වේ.

ප්‍රධාන පෙළේ වාණිජ බැංකුවල  සහ රාජ්‍ය බැංකු කිහිපයක ඇමෙරිකා එක්සත් ජනපද ඩොලරයක විකුණුම් මිල රුපියල් 360-365 ලෙස  අද (29) උදෑසන  සටහන් විය.