(නිමල කොඩිතුවක්කු)

ආණ්ඩුක්‍රම ව්‍යවස්ථාවේ විසිඑක් වන සංශෝධනය කැබිනට් මණ්ඩලයට ඉදිරිපත් නොකළහොත් පළමු කැබිනට් හමුවෙන්ම ආණ්ඩුවෙන් ඉවත්වන බව ඉඩම් සහ සංචාරක අමාත්‍ය හරින් ප්‍රනාන්දු මහතා කොළඹ දී අද (23) ප්‍රකාශ කළේය.

රට නැවත වතාවක් ස්ථාවර භාවයට පත්ව ප්‍රජාතන්ත්‍රවාදයක් ශක්තිමත් කිරීමට 21 වන සංශෝධනය රටට අත්‍යවශ්‍යම බැවින් ආණ්ඩුවේ පළමු කාරයය බවට එය පත් විය යුතු බවත් අමාත්‍යවරයා පැවසීය.

විසිඑක් වන සංශෝධනයට අමතරව විසි දෙවන සංශෝධනය සම්බන්ධයෙන් අමාත්‍ය විජයදාස රාජපක්ෂ මහතාගේ ප්‍රධානත්වයෙන් කටයුතු සිදුකරගෙන යන බවත් කොළඹදී මාධ්‍ය හමුවක් කැඳවමින් ඔහු පැවසීය.

ඉන්ධන පෝලිම්, ගෑස් පෝලිම් අවසන් කර ජනතාවට කඩිනමින් සහන ලබාදීමට කටයුතු කරන බවත් අමාත්‍යවරයා එහිදී කීවේය.

සංචාරක කර්මාන්තය නැවත පණගන්වා රටට අවශ්‍ය ඩොලර් ලබාගැනීමෙන් රට ස්ථාවර කිරීමට පියවර ගන්නා බවත් ඔහු එහිදී පැවසීය.

ඒ වෙනුවෙන් පාට පක්ෂ වෙනුවෙන් නොබෙදී රට ගොඩනැගීම වෙනුවෙන් සියලු දෙනාම එක් වන්නැයි ඉල්ලා සිටින හරීන් ප්‍රනාන්දු මහතා තවදුරටත් ප්‍රකාශ කළේය.