(සුජිත් හේවාජුලිගේ සහ අංජුල මහික වීරරත්න)
පාර්ලිමේන්තුවට අද ඉදිරිපත් කරන ලද විසර්ජන සංශෝධන පනත් කෙටුම්පතට අනුව මෙම වසරේ රජයේ සමස්ත වියදම රුපියල් කෝටි හතළිස් හත් දහස් නවසිය හතළිස් තුනකින් වැඩිවී ඇත.
මෙම වසරට අදාළව පසුගිය නොවැම්බර් මාසයේ ඉදිරිපත්කරන ලද විසර්ජන පනත් කෙටුම්පතට අනුව සමස්ත වියදම වූයේ රුපියල් දෙලක්ෂ හැත්තෑ නව දහස් හයසිය හතළිස් හතර කෝටි හැට පන් ලක්ෂ පනස් අට දහසකි.
සංශෝධන පනත් කෙටුම්පතට අනුව සමස්ත වියදම රුපියල් තුන්ලක්ෂ විසිහත් දහස් පන්සිය අසූ හත් කෝටි හැට පන්ලක්ෂ පනස් අට දහසක් දක්වා වැඩිවී ඇත.
මෙම සංශෝධනයට අනුව ජනාධිපතිවරයා සඳහා වෙන් කර ඇති මුදල රුපියල් එක් දහස් තුන්සිය හතළිස් හතර කෝටි පනස් එක් ලක්ෂයකි.
මුදල් අමාත්යාංශය සඳහා වෙන්කෙරෙන මුදල රුපියල් කෝටි හතළිස් හයදහස් හත්සිය විස්සකට අධික වන අතර රුපියල් කෝටි තිස් හත් දහස් හයසිය තිස්දෙකකට අධික මුදලක් ආරක්ෂක අමාත්යාංශයට වෙන් කර ඇත.
එමෙන්ම ජනමාධ්ය අමාත්යාංශය සඳහා වෙන් කර ඇති මුදල රුපියල් කෝටි දෙදහස් එකසිය දහතුනකට ආසන්නය.
රුපියල් කෝටි විසිහතර දහස් අටසිය හතකට ආසන්න මුදලක් සෞඛ්ය අමාත්යාංශයට වෙන් කර ඇති අතර රුපියල් කෝටි නවසිය තිස් හතකට අධික මුදලක් වෙළෙඳ අමාත්යාංයට වෙන් කර ඇත.
ප්රවාහන අමාත්යාංශය වෙනුවෙන් රුපියල් කෝටි තිස් දහස් හත්සිය දහයයකට අධික මුදලක් ද කෘෂිකර්ම අමාත්යාංශය වෙනුවෙන් රුපියල් කෝටි දහතුන් දහස් අටසිය පනස් හයකට අධික මුදලක් ද වෙන් කර ඇත.
විදුලිබල හා බලශක්ති අමාත්යාංශය සඳහා වෙන් කර ඇති මුදල රුපියල් කෝටි දෙදහස් හත්සිය හැට හතකට ආසන්න ය.
සංශෝධනය අනුව රුපියල් කෝටි දෙදහස් පන්සිය විස්සකට අධික මුදලක් නාගරික සංවර්ධන හා නිවාස අමාත්යාංශයට වෙන් කර ඇති අතර අධ්යාපන අමාත්යාංශයට වෙන් කර ඇති මුදල රුපියල් කෝටි විසි දහසකි.
විසර්ජන පනත අනුව වැඩිම මුදල වෙන්කර ඇත්තේ රාජ්ය පරිපාලන හා ස්වදේශ කටයුතු පළාත් සභා හා පළාත් පාලන අමාත්යාංශයටය. එම අමාත්යංශයට වෙන්කර ඇති මුදල රුපියල් කෝටි හැත්තෑ තුන් දහස් හාරසිය හැට අටකට ආසන්න මුදලකි.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉදිරි මාස හතරේදී ජනපතිට අමාත්යාංශවලට මුදල් වෙන්වන්නේ මෙහෙමයි
පළා බබා Tuesday, 09 August 2022 08:17 PM
වැඩිම මුදලක් වෙන් කර ඇති අමාත්යාංශයේ වැඩිම මුදලක් වෙන්කර ඇත්තේ JR ඇති කල සුදු අලි නඩත්තු සදහා වෙන්න පුළුවන්?
pakeer Tuesday, 09 August 2022 09:22 PM
පරිගණක වලට නම් මුදල් වෙන් කරන්න එපා...ඕන තරම් තියෙනවා...බිලියන ගානක ලයිසන් තියෙනවා අවුරුදු ගණන් නිකන් පාවිච්චි නොකර. මම දන්නා නිසයි කියන්නේ.
Hasanka Wednesday, 10 August 2022 09:31 AM
මොන විකාරයක්ද මේ? මේ වගේ ගණන් කියද්දී ඉලක්කමෙන් දාන්න. තවම කෝටි ලක්ෂ ගණන් නැතුව මිලියන බිලියන වලින් කියන්න බැරිද?