(ඉන්දිකා රාමනායක)

ආබාධිත රියැදුරකු පැදවූ ත්‍රිරෝද රථයකින්  කුළී ගමනක් ගොස් ඒ සදහා වු රුපියල් 2500 ක කුලී මුදල ඉල්ලා සිටි අවස්ථාවේ එම මුදල නොදී අබාධිත රියදුරුට පහර දී පලා යාමට උත්සහ කළ සැකකරුවන් දෙදෙනකු අල්ලා තලංගම පොලිසියට බාරදීමට අවට පිරිස් කටයුතු කළහ.

මෙම සැකකරුවන් කොට්ටාව නගරයේ සිට තලවතුගොඩට යාම සදහා මෙම  කුලී රථයට ගොඩ වී ඇති බවත්, ඔවුන් තලවතුගොඩ ගොස්, බත්තරමුල්ලට පැමිණ, යලිත් කොට්ටාවට ගොස් ඔවුන්ගේ ඉල්ලීමට නැවතත් තලවතුගොඩ ප්‍රදේශයේ බැංකුවක් වෙත පැමිණ ඇත.

බැංකුව අසලට පැමිණි පසු ත්‍රිරෝද රථ රියදුරු සැකකරුවන්ගෙන් ත්‍රිරෝද රථ ගාස්තුව ඉල්ලා සිටි අවස්ථාවේ ඔවුන් පලායාමට උත්සහ ගෙන ඇති අතර ත්‍රිරෝද රථ රියදුරු ඔවුන් සමග පොර බැදීමට යාමේ දී සැකකරුවන් දෙදෙනා රියදුරුට බිම දමාගෙන පහර දී ඇති බවත්ද පොලිසිය පවසයි.

සැකකරුවන් ත්‍රිරෝද රථ රියදුරුට පහර දෙන දුටු බැංකුව වෙත පැමිණි සිටි කාන්තාවක් එම ස්ථානයට පැමිණ සැකකරුවන්ට ට බැන වදිමින් පහර දී ඇති අතර සැකකරුවන් අයට පරුෂ වචනයෙන් බැන වැදී පහර දීමට තැත් කිරීමේ අවට පිරිස එම ස්ථානයට එක් රොක් වී ඇත.

එම පිරිස සැකකරුවන්ට පහර දී ඔවුන් අල්ලා ඒ අසල රථවාහන රාජකාරියේ නිරත පොලිස් නිලධාරීන් වෙත බාර දී ඇත. සැකකරුවන් කොට්ටාව ප්‍රදේශයේ පදිංචිකරුවන් බව පොලිසිය පවසයි.