IMG-LOGO

ඉන්ධන හිඟයෙන් තේ කම්හල් ටිකත් කොට උඩ

(සුජිත් හේවාජුලිගේ )

ප්‍රමාණවත් ඉන්ධන තොග ඉදිරි දින කිහිපයේදී නොලැබුණහොත් රට පුරා ( දිස්ත්‍රික්ක 7ක)  සියලු තේ  කර්මාන්ත ශාලා වැසී යෑමේ  බරපතළ අවදානමක් පවතින බව තේ කම්හල් හිමියන්ගේ සංගමයේ සභාපති ලයනල් හේරත් මහතා පැවසීය.

රට පුරාම පෞද්ගලික තේ කම්හල් දෙසිය හැට හතරක් සහ වැවිලි සමාගම යටතේවූ සහ  සාමාජිකයන්  නොවන  කම්හල් තවත් දෙසිය පනහක්  පමණ  ක්‍රියාත්මක වේ.

සමහර  තේ කම්හල් හිමියන් ඉන්ධන ලබාගැනීමට මුදල් ගෙවා ඇතත් ඉන්ධන ලබාදීම මේ දක්වාම සිදුවී නැති බවත් ඛනිජ තෙල් සංස්ථාවෙන් තේ කර්මාන්තයට ලැබෙන සහයෝගය  ප්‍රමාණවත් නැති බවත්  සභාපතිවරයා කීවේය.

ඉන්ධන ප්‍රශ්නය සහ විදුලිය කැපීම හේතුවෙන්  දිවයිනේ සමහර ප්‍රදේශවල කර්මාන්තශාලා ක්‍රියාත්මක වන්නේ සතියේ  දින හතරක් පමණක් බවද හෙතෙම සඳහන් කළේය.

ඉන්ධන ප්‍රශ්න හේතුවෙන් තේ දලු ප්‍රවාහන   කටයුතුද  අඩපණවී ඇතැයි  වාර්තා වේ.

මේ අතර විදුලිය කප්පාදුව නිසාද තේ කර්මාන්තශාලා බරපතළ අර්බුදයකට වැටී ඇතැයි සඳහන් කළ ලයනල් හේරත් මහතා විදේශ විනිමය වැඩි වශයෙන් ලැබෙන තේ කර්මාන්තයේ ප්‍රශ්න ගැන රජය මීට වඩා අවධානය යොමු කළ යුතු බවද සඳහන් කළේය.

රටපුරා කුඩා තේ වතු හිමියන් ලක්ෂ හතරක් සහ  තේ කර්මාන්තය ආශ්‍රිත වක්‍ර රැකියාවන්හි නියැළෙන   ලක්ෂ විස්සකට ආසන්න පිරිසක්  මේ තත්වය හමුවේ බරපතළ පීඩාවකට ලක්ව  සිටින බව තේ කම්හල් හිමියන්ගේ සංගමය පවසයි.

තේ කර්මාන්තශාලා සඳහා ශ්‍රී ලංකා ගමනාගමන මණ්ඩලයෙන් ඉන්ධන ලබාදීමේ වැඩපිළිවෙලක්  මෙයට පෙර ආරම්භ වුවත් එය අසාර්ථකවූ බවද සංගමය සඳහන් කරයි.



අදහස් (3)

ඉන්ධන හිඟයෙන් තේ කම්හල් ටිකත් කොට උඩ

pakeer Friday, 01 July 2022 10:33 PM

අපි සාමාන්‍ය මිනිස්සු වෙලත් මේවා කළින්ම දැනන් හිටියා... ඒත් මේ මහලොකු මොල හතා මේවා දැක්කේ නැහැ. ඒ අය දැක්කේ කොහොම හරි හොරකම් කරන එක විතරයි.

:       0       3

ab Saturday, 02 July 2022 06:40 AM

කෘෂිබෝග වගාවන් පුළුල් කිරීමට නම් පළාත් මට්ටමෙන් අලෙවි කරන්නා වූ එළවලු සහ වෙනත් බීජ වර්ග පළාත් මට්ටමෙන් (ප්‍රාදේශීය ලේකම් හෝ ගොවිජන සේවා) අලෙවි කිරීමට සලසා දීමෙන් ගොවීන්ට හෝ ඕනෑම පුද්ගලයකුට මිලදී ගත හැකිය...

:       0       0

චින්තක Saturday, 02 July 2022 01:29 PM

අදහස් එවන්න කිව්වට එවනවා මිස එවන අදහස් කෙනෙකුට බලන්න දෙන්නේ නැහැ. නමුත් රට ගැන තියෙන කැක්කුම නිසා අදහස් දෙනවා. ඇත්තටම සුද්දා පුරුදුකළ වැවිලි ක්ෂේත්‍රය හා ප්‍රේමදාස ජනාධිපති ඇතිකළ ඇඟලුම් නැත්නම් මේ රට මේ වනවිටත් වල පල්ලට ගොස් අවසන්... ඉහළින් ලැබෙන නියෝගය ක්‍රියාත්මක කරපු හමුදා නිළධාරියෙක් පාලකයා කිරීමට වියතුන් යැයි සිතට ගත් මුග්ධයින් පිරිසක් කොපමණ දැඟලුවාද? 1956 දී කැළණිය මූලික වෙලා ආණ්ඩුව හැදුවා මොකද වුනේ? නැවත 2019 කැළණිය නයි නටවා ආණ්ඩුව හැදුවා රටම ඉවරයි.. දැන් කියන්න වෙන්නේ උපන්දා සිට කියලා නොවෙයි. නිදහසේ සිට තිබුණු රට නැත පෙරට ආවොත් කැළණියෙන් කියලයි. රටට මේ විනාශය ඇතිකළ අනාගත පරපුරේ විනාශයට මං පෑදූ අයට ශාපවේවා...!

:       0       3

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 78 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 501 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 932 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site