(ඩයනා උදයංගනී)
මුදල් අමාත්ය බැසිල් රාජපක්ෂ මහතා පාර්ලිමේන්තුවට ගෙන එන පළමු පනත කළු සල්ලි සුදු කරන පනතක් බව ජනතා විමුක්ති පෙරමුණේ දේශපාලන මණ්ඩල සභික සුනිල් හඳුන්නෙත්ති මහතා පැවසීය.
ආණ්ඩුව මේ අවස්ථාවේ සහන ලබාදිය යුත්තේ මේ සුළු සහ මධ්ය පරිමාණ ව්යාපාරිකයන්ට වුවත් ඔවුන් නව පනත ගෙනඑන්නේ බදු වංචා කරන්නන්ට සහනදීමට බව ද හඳුන්නෙත්ති මහතා සඳහන් කළේය.
ආණ්ඩුව තම යාළු මිත්රයින්ට සහන සලසා දෙමින් කොවිඩ් බොරදියේ මාළු බෑමට උත්සාහ කරන බව ද ඔහු කීවේය.
භාණ්ඩාගාරයේ මුදල් නොමැති බව ඇත්තක් වුවත් එයට මුවා වී තම ගජ මිත්රයන් අයථා මාර්ගවලින් ඉපයූ මුදල්වලට සුජාතභාවයක් ලබාදීම වරදක් බව ද හෙතෙම ප්රකාශ කළේය.
මෙම පනත හරහා අයථා මාර්ගවලින් මුදල් ඉපයීම දිරිගන්වන බව කී හඳුන්නෙත්ති මහතා එය ඉතා බරපතළ එකක් බව ද කීවේය.
එබැවින් එම පනත් කෙටුම්පතට විරුද්ධව අධිකරණයට යාමට ජනතා විමුක්ති පෙරමුණ බලාපොරොත්තු වන බව ද ඔහු කීවේය.
හඳුන්නෙත්ති මහතා මේ බව පැවසුවේ එම පක්ෂ ප්රධාන කාර්යාලයේදී අද (21) පැවති මාධ්ය හමුවක් අමතමිනි.
COMMENTS
කවුරු හරි මුදල් ඇමැති කෙනෙකුට පුලුවන් නම් ජේවීපී ගිණුම්වවලට සල්ලි ගලන්නෙ කොහෙන්ද කියලා හොයලා ඒකට ටැක්ස් ගහන්න ,රජයේ බදු ආදායම් වැඩි කරගන්න පුලුවන්. කැට හොල්ලන සාමාජික පෙළ පෙරටුගාමී එකට ගිහිල්ලත් ජවිපෙ ගිණුම් තරවෙන හැටි සොයා බැලිය යුතුයි.
ඔයාලගෙත් පිටරටවල තියෙන සල්ලි ගේන්න දැංවත්......
කරන හැම දෙයක්ම වැරදියි කරන්න ඔිනි හරි දේවල් කියන්නැ
ගොනා පොල් වත්තට පැන ගත්තෙ පොල් පැල ටික කන්න මිසක මහ ගස්වලට නැගල පොල් අතු උලා කන්න නෙවෙයි, සාමාන්ය දැනීමක තරම?
එතකොට කියන්න 1970 ගණන්වල එන් එම් පෙරේරා මහතා රුපියල් 50 ,100 නෝට්ටු කැන්සල් කලේ මොකටද? හලෝ කළු සල්ලි හම්බ කරන්නේ කුඩු බිස්නන් වලින්. හම්බ කරපු ඒ සල්ලි, රටේ සංසරණය වියයුතු මුදල් ඔය බිං ගේවල් වල සැඟවිලා තිබෙන්නේ. මුලිකව කල යුත්තේ කලුසල්ලි ඇතිවීම වලක්වීමයි.
අර සහෝදරයාගේ පුතාව ඒරොප්පෙට යවලා උගන්වන්නෙත් ඔය සල්ලි වලින්ම තමයි සහෝදරයා