2025 ඔක්තෝබර් මස 11 වන සෙනසුරාදා
(නිමල කොඩිතුවක්කු)
දරුවන්ට දඬුවම් කිරීම සම්බන්ධයෙන් යෝජිත පනත ක්‍රියාත්මක කිරීමේ දී බටහිර ලෝකයේ රටවල්වලට හොඳයි කියන සියලුම නීති ලංකාවට නොගැලපෙන බව බව මැල්කම් කාදිනල් රංජිත් කොළඹ අගරදගුරුතුමෝ කොළඹදී පැවසූහ.
රටේ පවතින සංස්කෘතිය, ආචාරධර්ම සහ ක්‍රමවේදයන්ට ගරු කරමින් මෙම ක්‍රියාවළිය නතර කරන්නැයි බලධාරීන්ගෙන් ඉල්ලීමක් කරන බවත් අගරදගුරුතුමෝ සඳහන් කළහ.
ශාන්ත ජෝන් බැප්ටිසම් මහා විද්‍යාලයට වසර 150ක් පිරීම නිමිත්තෙන් විද්‍යාලයේ ආදි ශිෂ්‍යයන් හා ගුරු මණ්ඩලය එක්ව සංවිධානය කළ 150 වන ජුබිලි සැමරුම් දිව්‍ය පූජාවට එක්වෙමින් අගරදගුරුතුමෝ මේ බව පැවසූහ.
“දොසක් කිව්වොත් තමන්ට සිත් තැවුලක් සිදුවුනා කියලා චෝදනා කරලා මව්පියන් පොලිසියට අල්ලලා දෙන්න මෙම නව පනත මගින් දරුවන්ට පුළුවන්. මව්පියන්ට මෙහෙමනම් ගුරුවරුන් ගැන කතා කරන්න අවශ්‍ය නැහැ. මේවා මේ බටහිර රටවල තියෙන සමහර මෝඩ නීති. ඒවා ඔක්කොම අපි අනුකරණය කරන්න අවශ්‍ය නැහැ. අපේ රටේ පිළිවෙතක් තියෙනවා. දරුවෙකුට අම්මයි තාත්තයි තමයි හැදියාව දෙන්න ඕන. ඒ නිසා දරුවෙකුට හරිගස්සන්න අම්මෙකුටයි තාත්තෙකුටයි අවස්ථාව තියෙන්න ඕන. ඒවා උසාවි ගෙනියන වැඩ නෙමේයි.
දරුවන් සහ මාපියන් අතර මේ ගට්ටනය ඇති කිරීම තුළින් මාපියන්ට එහෙම නම් ගුරුවරුන්ට කොහොම තියෙයි ද කියළා ගුරුවරුන්ට හිතන්නවත් බැහැ. පාසල්වල දරුවෝ වැරදි වැඩ කළොත් ගුරුවරයා කියන්න පුළුවන් ළමයා ඔය දිගට කොණ්ඩය වවන්න එපා කපාගෙන එන්න කියලා. එහෙම කිව්වොත් ඒ දරුවාට පුළුවන් පොලීසියට ගිහින් මගේ ගුරුවරයා මට මානසික පීඩාවක් ගෙනාවා කියලා නීතිමය ක්‍රියාමාර්ග ගන්න. ඒ අනුව ගුරුවරයාව අත්අඩංගුවට ගන්න වුනත් පුළුවන්ලු. මේවා අපිට පිළිගන්න බෑ.
බටහිර ලෝකයේ රටවල්වලට හොඳයි කියන ඔක්කෝම ලංකාවට ගැලපෙන්නේ නෑ. අපේ ලංකාවේ තියෙනවා සංස්කෘතියක්, ක්‍රමවේදයක්, ආචාරධර්ම තියෙනවා මේවට අපි ගරු කළ යුතුයි. ඒ නිසා අපි අධ්‍යාපන බලධාරීන්ට කියා සිටිනවා කරුණාකරලා ඔය වැඩේ කරන්න එපා කියලා. දෙමාපියන්ට හා ගුරුවරුන්ට තිබිය යුතු ගුරු භක්තිය, ආදරය දරුවන් තුළ තියෙන භක්තිය ලබාදීමේ ප්‍රවණතාවයට බාධා නොකළ යුතුයි.
2025 ඔක්තෝබර් මස 08
390
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
728
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
327
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
ළමා නීතියට කාදිල් හිමියෝ අසතුටින්
ගාමිණී Friday, 10 October 2025 05:36 PM
ලෝකේ ගෝලාකාරයි පිළිගනිල්ලා කියලා ඉස්සර කියපු කෙනෙක්ව ගිනි තියලා මරුවලු. නූතන විද්‍යාව ඔප්පු කරලා තියනවා කායික දඩුවම ළමයින්ට කොච්චර නරක විදියට බලපානවද කියලා. ලංකාවේ මිනිස්සු, මොනවා නොපිළිගත්තත්, නුතන විද්‍යාව පිළිගන්න ඕන. නැත්තන් ලංකාව ලෝකෙන් කොන් වෙනවා ගෝත්‍රික රටක් විදියට...
සමන්-ඕමානයFriday, 10 October 2025 08:03 PM
ඒ අදහස වැරැදියි, ගාමිණී. තම රටේ සංස්කෘතික අනන්‍යතාවය හා සමාජ චාරිත්‍ර වාරිත්‍ර පවත්වාගෙන යන රටවල් කීයක් ලෝකයේ තියනවාද? ඔබ ලෝකයේ සංචාරය කරලා තියනවා නම්, අඩුගණනේ ලෝකය පිළිබඳ කියවලා තියනවා නම්, ඔය අදහස වැරැදියි කියලා තේරෙයි. අනිත් රටවල් ඒවා අගය කරනවා මිස, ඒ රටවල් කොන් කරන්නේ නෑ. සෑම රටක්ම බටහිර සංස්කෘතිය වැළඳ ගන්න ඕනෑ නෑ. බටහිර ගැති, හිඟන මානසිකත්වයක් තියන නායකයෝ ඉන්නකොට තමයි මේවගේ විකාර අදහස් ඉස්මතු වෙන්නේ. කාදිනල් තුමාගේ මේ පිළිබඳ අදහස් හරියට හරි....
Teacher Saturday, 11 October 2025 07:39 AM
ගාමිණී ඉස්සෙල්ලම ලෝක ඉතිහාසය සහ පුනරුදය ගැන කියවන්න. ලෝකය ගෝලාකාරයි කියලා කාවද ගිනි තියලා මැරුවේ. ගැලීලියෝ ගැලීලි ඕක කියලා සිරගත කරා කියලයි අපිට ඉස්සර පාඩම්වල කියලා දුන්නේ. නමුත් දැන් ඒ කරුණු ඉංග්‍රීසි භාෂාවෙන් ලියූ මූලාශ්‍ර වලින් කියන්නේ ඔහුව ජීවිත කාලය තුළ නිවාස අඩස්සියට යටත් කරා කියලා. ඒ වගේම තියනවා ලෝකය ගෝලාකාර බව ඔහුටත් වඩා කලින් දැනගෙන සිටි බවත් ගැලීලි නිවාස අඩස්සියට පත්කරේ ඔහු ඊට කලින් නිකලස් කොපර්නිකස් විසින් කියූ පෘතුවිය හිරු වටා ගමන් කරනවා කියමන සනාථ කිරීමට ගිය නිසා කියලා. එය කතෝලික පල්ලිය කියූ පෘතුවිය වටා හිරු ගමන් කරන කියමනට විරුද්ධ නිසා. ඕවා ටිකක් කියවලා බලන්න. ඒ වගේම කාව හරි ඔය කතාවට ගිනි තියලා මරපු බවට සාක්ෂි තියනවා නම් කියන්න. කවුරුත් කාටවත් ගහලා බැනලා හිරිහැර කරන්න ඕන නෑ. නමුත් එහෙම නම් ළමයින්ටත් අම්මා තාත්තා ගුරුවර වැඩිහිටියන්ට සලකන විදිහට නීති ගෙනෙන්න. අපේ රටට ගැලපෙන ලෙස අපේ නීති හදන්න ඕනෑ.
ගුරුදෙගුරූ Saturday, 11 October 2025 01:38 PM
අනේ ගාමිණී ලින්මැඩියෙක් වගේ වෙන්න එපා. ඔබ බටහිරටයි, විද්‍යාවටයි වැඳගෙන ඉන්න නිසා මේවා තේරෙන්නේ නැහැ. ඒවාමයි මේ ලෝකේ හොඳම දේ කියලා හිතාගෙන ඉන්නවා නම් වැරැදියි. හොඳ දේවල් තියෙනවා, නරක දේත් තියෙනවා. අපිට ගැලපෙන, හොඳදේ තෝරාගන්න බුද්ධිය ඕනේ. නැතුව උන් වහන්සේ කියනවා වගේ... බටහිර හැමදෙයක්ම අපිට ගැලපෙන්නේ නෑ.. අපි උන්වහන්සේ ගැන සතුටුවෙන්න ඕනේ මෙවැනි වටිනා අදහස් දැක්වීම ගැන. අපේ මහානායක හිමිවරු තවම සැතපෙනවා. කිසිම අදහසක් තවම නිකුත් කරලා නෑ. දරුවන් ඉන්න දෙමව්පියන්ටත් ගුරුවරුන්ටත් මේ නීති ගැන කනගාටුයි. තනි කෙනෙකුට පුලුවන්ද රටකටම, අනාගත පරම්පරාවටම වැරැදි විදියට බලපාන නීති හදන්න. මේවාට වහාම නතර කිරීමට ගන්න වෙනවා කියලා හිතෙනවා ඇති...
Deepthi De SilvaSaturday, 11 October 2025 04:59 PM
ඇතැම් බටහිර නොවන සමාජ වල, සදාචාරයට පිටින් යෑම නිසා තමන්ගේ ළමයින්ව මරාදැමීමට පියාට සාදාචාරාත්මක අයිතියක් තියෙන බව ඒ අය හිතනවා. සමහරවිට ඒ නියෝගය එන්නේ ආගමික ආයතනයෙන්. බටහිර හැම දේම ඒ අයට නොගැලපෙන බව ඒ අය තදින් කියා සිටිනවා...
අරවින්ද මොණරවිල Friday, 10 October 2025 07:38 PM
දරුවන්ට කායිකව මෙන්ම මානසිකව දඩුවම් කිරීම නුසුදුසු බව බටහිර මතයක් නොවෙයි... ඒක විද්‍යාත්මක මතයක්, එය දරුවන්ගේ කායික වර්ධනය මෙන්ම පෞරුෂය වර්ධනයටත් බලපෑම් කරන බව විද්‍යාත්මකව තහවුරු වෙලා තිබෙනවා. අනිත් පැත්තෙන් දරුවන්ට කායික හෝ මානසික දඩුවම් කරන වැඩිහිටියන්ට එසේ කරන්නේ පෙළඹෙන්න, ඔවුන්ගේ තිබෙන මාසික දුබලතාවයක්, පෞරුෂයේ අඩුපාඩුවක් හො කුඩා කළ එවැනි අතවරයන්ට භාජනය වීම නිසා ඇතිවූ කම්පන වැනි හේතුන් නිසා බවත් විද්‍යාත්මක මතයයි. ඒ නිසා එවැනි තත්ත්වයන්ට ඉඩදීම තුලින් අනාගත පරපුරද මානසික දුබලතා ඇති හෝ හීනමානයෙන් පෙලන පරපුරක් වනු ඇත.
WEERAKOONSaturday, 11 October 2025 08:38 AM
ඔන්න මොණරාගල ආණ්ඩුව සේදීම පටන් ගත්තා. දැන් ඔයා කවරදාකවත් දෙමාපියන්ගෙන් ගුටි කාලා නැද්ද? විද්‍යාත්මක මත පල කරන්නෙත් දෙමාපියන් යටතේ හැදි වැඩුනු දරුවන්මයි
විදුරංග Saturday, 11 October 2025 05:09 AM
සමාවෙන්න මෙහෙම ඇහුවාට. ඔබතුමාගේ ආගමත් බටහිර එකක් නේද? ලමයින්ට නොගහන එක විතරද එතකොට නරක? ඔබතුමාලාගේ ආගම බටහිර රටවලත් බාල්දු වලා තියෙන්න ඒ රටවල කාදිනල් තුමාලත් මෙන්න මේ විදිහට දශක ගාණක් හැසිරුණු නිසා තමයි. දැන් එතුමලා උත්සාහ කරනවා ආයෙත් මොඩ් වෙන්න හැබැයි පරක්කු වැඩියි. ඔබතුමා තව ටිකක් අධ්‍යයනය කරලා බලන්න කතාකරන්න කලින්...
maalaka Saturday, 11 October 2025 11:09 AM
කාටූනයක් කළ හදියක්... කාදිනල්තුමා ගැන ඇන්ද කාටූනය නිසා, දැන් එතුමා හැම එකකටම ප්‍රකාශ නිකුත් කරනවා. ඉස්සර හාමුදුරුවෝ වගේ...
අරෝමා රණසිංහ Saturday, 11 October 2025 01:42 PM
දැන් ඉන්න උන්ට ගහලත් ඔවුන්ගේ හැසිරීම මෙහෙම නම් තව ඉස්සරහට බලාගන්න පුළුවන් වෙයි හොඳ සෙල්ලම්. මේවාට කැමැති හැමෝම ගෑනියෙක්, දරුවෙක් නැති අය විතරමයි.