සාමනේර දෙනම දුරකතනයට කා කොටා ගනී

(ජේ.එල්.එල්. ජයසිංහ)

පේරාදෙණිය ප්‍රදේශයේ පිහිටි ප්‍රසිද්ධ පිරිවෙනක වැඩවාසය කරන තරුණ සාමණේර හිමිවරුන් දෙදෙනකු අතර ඇති වූ ගැටුමකින් එක් සාමණේර හිමිනම තුවාල ලබා මහනුවර රෝහලට ඇතුළත් කර ඇති බව පොලිසිය කියයි.

මෙම සිද්ධිය සම්බන්ධයෙන් 16 හැවිරිදි සාමණේර හිමිනමක පොලිසිය විසින් අත්අඩංගුවට ගනු ලැබූ බව පොලිසිය සඳහන් කරයි.

ඔවුන් දෙදෙනා එම පිරිවෙනේ අධ්‍යාපනය ලබන සාමණේර හිමිවරුන් බවද පොලිසිය පවසයි.

සිද්ධියෙන් තුවාල ලබා ඇත්තේ 24 හැවිරිදි හිමිනමකි.

ජංගම දුරකතනයක් සම්බන්ධයෙන් පෙරේදා (14) ඇති වූ ආරවුල් අතරතුර මෙම පහර දීම සිදුව ඇති බව වාර්තා වේ.

සිද්ධිය සම්බන්ධයෙන් පේරාදෙණිය පොලිසියෙන් කළ විමසුමක දී එහි ප්‍රකාශකයකු පැවසුවේ තුවාල ලබා මහනුවර රෝහලේ ප්‍රතිකාර ලබන හිමිනම කම්බියක් ඇනී තුවාල සිදු වූ බවට පොලිසියට ප්‍රකාශයක්දී ඇති බවය.

අදහස් (4)

සාමනේර දෙනම දුරකතනයට කා කොටා ගනී

sam Friday, 16 December 2022 09:24 AM

" කා කොටා ගනිති" කියන එක "වළඳා කොටා ගනිති" කියලා නිවැරදි වෙන්න ඕනෑ නේද?

: 0 7

කිරි පුතා Friday, 16 December 2022 10:03 AM

සසර දුකින් එතෙර වෙන්නට නෙ ජංගම දුරකථනයට පොර කන්න ඇත්තේ . දැන් නම් කාසාය කණ්ඨකයන් තත්ත්වය ඉතාම අත ළඟයි වගේ. සිල්වත් ගුණවත් මහා සංඝරත්නයත් තවම වැඩ වසන එක හිතට සැනසීමක්.

: 2 6

ganegoda Friday, 16 December 2022 11:56 AM

මේ ජංගම දුරකථනය මොනවටද භාවිතා වෙලා තියෙන්නේ... කියලා හොයලා බලන්න. අන්න එතැන තමයි පිළිතුර...!

: 0 3

Bamunuarachchi Saturday, 17 December 2022 07:12 AM

මේ වගේ අය සිවුරු හරවා පන්සලින් පිටමං කළ යුතුය. එහෙම නැතිනම් නොදන්නා පැතිවලට ගිහින් කිසිත් නොදන්නා බෞද්ධයින්ගෙන් වැඳුම් පිදුම් ලබාවි...

: 0 0