සද්දන්තයෙක් කසල ගොඩේ මියයයි

(වසන්ත චන්ද්‍රපාල)

අම්පාර නගර සභාව මඟින් පාලනය කරනු ලබන බුද්ධංගල මාර්ගයේ පිහිටා ඇති කසල ඒකකය තුළ වන අලියෙක් මියගොස් තිබෙන බව ගම්වාසීහු පවසති.

අද 05 අලුයම 1.00 ට පමණ මෙම අලියා මියගොස් ඇති බව වනජීවි අම්පාර කාර්යාලට වාර්තා වී තිබේ.

උස අඩි අටක් පමණ වන මෙම අලියා අවුරුදු 20ක පමණ අලියෙකු බව වනජීවි නිළධාරින් පවසති.

මෙම ස්ථානයට එකතු වන කුණු කෑම සදහා දිනපතාම වන අලි පැමිණෙන අතර මෙම අලි එලවීම සඳහා වගකිවයුතු බලධාරීන් ක්‍රියාත්මක නොවන බව ගම්වාසීහු පවසති.

අවස්ථා ගණනක දී වනජීවි දෙපාර්මේන්තුව මඟින් මෙම කුණු ඇල ආවරණය වන පරිදි අලි වැට ඉදිකරනු ලැබුවත් වන අලින් මෙම වැට කඩා ගෙන පැමිණ කුණු කෑමට පුරුදු වී තිබේ.

මේ හේතුව නිසා මෙම කුණු වල තුළ වන අලින් අවස්ථා කිහිපයකදී තිදෙනෙක් පමණ මියගොස් තිබෙන බව ගම්වාසීහු පවසති.

අදහස් (3)

සද්දන්තයෙක් කසල ගොඩේ මියයයි

පැරකුම් Saturday, 05 October 2024 11:42 PM

අලි කාණුව 100%ක් සාර්ථක බව වන ජීවියා දන්නවා. අපිත් දන්නවා අත් දැකීමෙන්. මාදුරුඔය අපේ පොල් වගාව ඇවිත් බලන්න. අලි කාණුවටත් කොමිස් ගන්න ක්‍රමයක් හදලා දුන්නොත් වැඩේ ගොඩ...!

: 0 0

Priyantha Dissanayake Sunday, 06 October 2024 08:42 AM

වගකිවයුතු ආයතනය අම්පාර නගර සභාව, මහජනතාවගේ බදුමුදලින් නඩත්තුවන බල ප්‍රදේශයේ කටයුතු බාර ආයතනය. තම වගකීම හරි හැටි ඉටුකළේනම් මෙවන් විනාශයන් සිදුවන්නේ නැත. වර්ථමාන ක්‍රියාශීලී මහජන හිතකාමී බලධාරීන්ගේ අවධානය විශේෂයෙන් යොමුවේවා..!

: 0 3

රම්බොඩ Sunday, 06 October 2024 09:26 AM

අපේ රටේ කුණු බැහැර කිරීම නම් තාම ප්‍රාථමික අවධියේ තියෙන්නේ. මේකට නම් විද්‍යාත්මක විසඳුමක් අවශ්‍යයි...!

: 0 3