(නිමල කොඩිතුවක්කු)

ආපදා තත්වය දිස්ත්‍රික්ක 11කට බලපා ඇතැයි ආපදා කළමනාකරණ  මධ්‍යස්ථානය පවසයි.

ඒ අනුව දිස්ත්‍රික්ක 11ක පවුල් 5738කට අයත් පුද්ගළයින් 16930ක්  පීඩාවට පත්ව ඇතැයි එම මධ්‍යස්ථානය සඳහන් කරයි.

මේ හේතුවෙන් පුද්ගලයෙකු මියගොස් තවත් තිදෙනෙකු තුවාල ලබා ඇති බවත් ආපදා කළමනාකරණ මධ්‍යස්ථානය පවසයි.

පවුල් 71කට අයත් 239ක් ආරක්ෂිත ස්ථාන 8 ක රඳවා ඇතැයි ද එම මධ්‍යස්ථානය සඳහන් කරයි.

මේ  හේතුවෙන් නිවාස 98කට අර්ධ හානි සිදුව ඇති බවත් ආපදා කළමනාකරණ මධ්‍යස්ථානය පවසයි.

ආපදා තත්ත්වය හේතුවෙන් වැඩිම බලපෑමක් අම්පාර දිස්ත්‍රික්කයට බලපා ඇති අතර එහි පවුල් 4774ක පවුල් 13872ක් පීඩාවට පත්ව සිටිති.

අනුරාධපුර, පොලොන්නරුව, කිලිනොච්චිය, යාපනය, වව්නියාව, මන්නාරම, මඩකලපුව, ත්‍රිකුණාමලය, බදුල්ල සහ නුවරඑළිය දිස්ත්‍රික්ක වලට ද ඉන් බලපෑම් එල්ල වී ඇති බවත් ආපදා කළමනාකරන මධ්‍යස්ථානය පවසයි.

අධික වර්ෂාව, ගස් කඩා වැටීම්, තද සුළං සහ ගංවතුර ඇතුළු තත්වයන් හේතුවෙන් මෙම බලපෑම් එල්ල වී ඇතැයි ද එම මධ්‍යස්ථානය සඳහන් කරයි.