2022 දෙසැම්බර් මස 04 වන ඉරිදා
ඩී.ජී.සුගතපාල
යක්කලමුල්ල මාගෙදර ප්‍රදේශයේ නිවසක කුරුඳු තලමින් සිටි පුද්ගලයකුට සහ එම නිවසේ සිටි සිව් හැවිරිදි කුඩා ළමයකුට පසුගිය මස 19වදින වෙඩි තැබීමට යතුරු පැදියකින් කැඳවාගෙන එන ලද සැකකරු සහ ඔහුගේ අනියම් බිරිඳ හෙරොයින් සමග මොරටුව විශේෂ කාර්ය බළකා කඳවුරේ නිලධාරින් විසින් කොළඹදි අත් අඩංගුවට ගනු ලැබූහ.
මෙසේ අත් අඩංගුවට ගෙන ඇත්තේ ඝාතකයන් දෙදෙනා පැමිණි යතුරු පැදිය පදවන ලද පෝද්දල නරාවල කාරසල් හිල් වත්ත පදිංචිකරුවෙක් සහ ඔහුගේ අනියම් බිරිය බව කියන කාන්තාවකි.
සැකකරු සන්තකයේ හෙරොයින් ග්‍රෑම් 06ක්ද සැකකාරිය සන්තකයේ තිබි හෙරොයින්ග්‍රෑම් 05ක් ද පොලිස් නිලධාරින් විසින් සොයාගෙන ඇත.
මේ අතර මෙම සැකකරු විසින් යතුරු පැදියේ නංවාගෙන පැමිණ ඇති ඝාතකයන් දෙදෙනාද මිනුවන්ගොඩ ජාපාලවත්ත ප්‍රදේශයේදි ඊයේ අලුයම පොලිස් විශේෂ කාරය බලකායේ නිලධාරින්ගේ වෙඩි ප්‍රහාරයකට ලක්ව මියගියහ.
