(ශ්‍රීනාත් ප්‍රසන්න ජයසූරිය)

නිවාසවලට හොර රහසේ ඇතුළු වී දේපොළ සොරා ගත් බව කියමින් කතලුව දුම්රිය ස්ථානය අසලදී  අත්අඩංගුවට ගත් පුද්ගලයකුට අත් විලංගු දමා යතුරු පැදියකින් අහංගම පොලිස්ථානය වෙත රැගෙන එමින් සිටියදී යතුරු පැදිය පෙරැළීමට සලස්වා පසුව මුහුදට පැන පිහිනා පලා ගොස් ඇතැයි අහංගම පොලිසිය පවසයි.

පසුව පලාගිය සැකකරු කොක්ගල පාලම අසල පිහිටි කාන්තාවකගේ නිවසට රිංගා ගෙන සිටින බවට ලැබුණු තොරතුරක් මත එම පොලිස් නිලධාරීන් දෙදෙනා එම නිවස වටලා ඔහු අත්අඩංගුවට ගැනීමට උත්සාහ කළ අවස්ථාවේ ද එම නිවසෙන් ද පලා ගොස් ඇතැයි ප්‍රදේශයේ උසස් පොලිස් නිලධාරියෙක් ලංකාදීපයට පැවැසීය.

සැකකරු එම නිවසට රිංගා සැඟව සිට ඇත්තේ අත් විලංගු පිටින් ම යැයි පොලිසිය පොලිසිය පවසයි.

මෙම සැකකරු අත්අඩංගුවට ගෙන ඇත්තේ අහංගම පොලිසියේ පොලිසියේ සැරයන් නන්දසිරි 34148සහ පොලිස් කොස්තාපල් කොස්තාපල් ඉෂාන් 36166යන මහත්වරුන් විසිනි.